Yntymaqtastyqtyń jańa qyrlary

Qazaqstan halqy Assambleıasynyń delegasııasy Reseı Federasııasynyń Máskeý qalasynda resmı saparmen bolyp qaıtty, dep habarlady Qazaqstannyń Reseıdegi elshiliginiń baspasóz qyzmeti. Delegasııa quramynda QHA Tóraǵasynyń orynbasary E.L.Toǵjanov, Qazaqstan Parlamenti Májilisi Tóraǵasynyń orynbasary V.K.Bojko, Qazaqstan Parlamenti Májilisiniń depýtattary N.V.Jumadildaeva, A.S.Mýradov, Qazaqstan Prezıdenti Ákimshiligi QHA Hatshylyǵy meńgerýshisiniń orynbasary L.A.Prokopenko bar. Sapar aıasynda QHA delegasııasy Reseı men Eýrazııa halyqtary forýmynyń plenarlyq otyrysyna qatysty. Eraly Toǵjanov óz sózinde reseılikterdi Halyqtar birligi kúnimen quttyqtady. «Qazaqstan men Reseı – tek strategııalyq seriktestik, dostyq baılanysta ǵana emes, sondaı-aq qarapaıym adamdar arasyndaǵy qarym-qatynastarymen erekshelenetin memleketter. Búginde mıllıondaǵan qazaq Reseıde ómir súrse, mıllıondaǵan orys Qazaqstanda turady. Bul Qazaqstan men Reseı halyqtarynyń baýyrlastyǵy, ózara senimi men qurmetiniń belgisi», – dedi ol. Delegasııa músheleri Reseı Prezıdenti Ákimshiliginiń basshysy, Reseı Prezıdenti janyndaǵy Ultaralyq qatynas boıynsha keńestiń jaýapty hatshysy M.Magomedovpen, Memlekettik Dýma Ulttar jónindegi komıtettiń tóraǵasy I.Gılmýtdınovpen, Ulttar isi jónindegi federaldy agenttiginiń meńgerýshisi I.Barınovpen, Reseı halyqtary Assambleıasynyń tóraǵasy S.Smırnovamen ekijaqty kezdesýler ótkizdi. Kezdesýler barysynda Qazaqstan men Reseıdiń ózara yqpaldastyǵynyń ózekti máseleleri, qoǵamdyq kelisim men birlikti qamtamasyz etýdegi, azamattyq birtektilik pen birlikti nyǵaıtýdaǵy tájirıbe, yntymaqtastyqtyń jańa qyrlary, sondaı-aq, I.Barınov bastaǵan 11 qarashaǵa josparlanǵan reseılik delegasııanyń Qazaqstanǵa sapary talqylandy.