Qazaqstan – úzdik segizdikte

О́tken juma, 4 naýryzda úlken tennısten ataqty Devıs Kýbogynyń mereıtoılyq júzinshi básekesi bastalǵan bolatyn. Osy joly bedeldi týrnırge Qazaqstan quramasy da qatysty. 1/8 fınaldyń oıyndary Chehııa quramasymen osy eldiń Ostrava qalasynda ótti. Chehııa álemdegi asa kúshti quramalardyń birinen sanalady. Onyń músheleri 2009 jyly fınaldyq kezdesý ótkizse, byltyr jartylaı fınalǵa deıin jetken bolatyn. Búginde álemdik reıtıngte úshinshi orynda tur. Jalpy, tennısten álemdegi asa bedeldi komandalyq týrnır – Devıs Kýbogy Eýropa men Ońtústik Amerıkanyń segiz qalasynda bolyp ótti. Týr­nır­diń debıýtanttary – Qazaqstan quramasy, joǵaryda aıtyp ketkenimizdeı, Ostravada Chehııa quramasymen synǵa tústi. Bir atap óterligi – úsh jeńiske deıin­gi básekelerden turatyn týr­nırge Chehııanyń ekinshi raketkasy Radek Shtepanek qa­tysa almady. О́ıtkeni, ol tumaý tıip aýyrǵannan keıin den­saý­ly­ǵyn qalpyna keltirip úl­germedi. Esesine tanymal tennısshi, Chehııanyń birinshi raketkasy Tomash Berdyh ózi úshin de, basqa úshin de jantalasa qımyldaýǵa májbúr boldy. R.Shtepanek bolmaǵandyq­tan, ekinshi nómirge Iаn Haıek shyqty. Juptasyp óner kór­setýde qazaq­standyq Evgenıı Korolev pen Iýrıı Shýkınge qarsy tájirıbeli Lýkash Dlýhı men 17 jasar talantty tennısshi, jasóspirim­der arasyndaǵy Avstralııanyń ashyq birin­shi­li­giniń chempıony Irjı Vesely shyǵýy tıis edi...   Birinshi kúni Qazaq­stannyń birinshi raketkasy Andreı Golýbev Iаn Haıekke qarsy oınady. Bes setke sozylǵan jekpe-jekte qazaq­standyqtyń mereıi ústem boldy. Sóı­tip, alǵashqy jeńis Qazaqstan qura­ma­sy­n alǵa shyǵardy. Ekinshi kezekte Qa­zaqstannyń ekinshi raketkasy Mıhaıl Kýkýshkın álemniń jetinshi raket­ka­sy Tomash Berdyhqa qarsy oınady. Bul báseke de óte tar­tys­t­y ótti. Nátı­je­sinde Chehııa qura­ma­sy esepti teńes­tirý­ge múmkindik aldy. Kelesi kúni kortqa juptasyp óner kórsetýshiler shyqty. Alǵashqy eki oıynnyń nátıjesi boıynsha esep teń bolǵandyqtan, Chehııa quramasynyń ka­pı­tany kortqa jas daryn – Irjı Veselydy shyǵarýǵa táýekeli jetpedi. Sóıtip, Lýkash Dlýhımen juptasyp Tomash Berdyh oınady. Tartysty ót­ken bul básekede 3:1 esebimen chehtar jeńiske jetti. Jekpe-jekterdiń úshinshi kúni, ıaǵnı 7 naýryzda oıyn taǵdyry sheshilýi tıis  bolatyn. Shırek fınalǵa shyǵý úshin Chehııa quramasyna bir jeńis jetkilikti edi. Biraq álemniń 43-shi raketkasy Andreı Golýbev Chehııanyń chempıony, álemniń 7-shi raketkasy Tomash Berdyhqa qarsy oıynda jeńiske degen jigerlilik tanytty. Sóıtip, esep teńesti – 2:2. Endi Mıhaıl Kýkýshkınniń ıyǵyna úlken jaýapkershilik júkteldi. Lýkash Dlýhımen kezdesýde qaı tarap jeńiske jetse, sol básekelerdiń kelesi kezeńine ótetin. M.Kýkýshkın álemniń 63-shi ra­ket­kasy. Qarsylasy bolsa, 101-shi oryn­­da. Bir qaraǵanda, qazaqstan­dyq­tyń my­sy basym sekildi. Al A.Golý­bev­tiń ózi­nen tájirıbesi de, bedeli de, sheberligi de áldeqaıda joǵary T.Ber­dyh­ty tize búk­tirgenin eskersek, oıyn nátı­jesin al­dyn ala boljaý qıyn bolǵany túsi­nikti. Biraq, joǵaryda atap kórset­keni­mizdeı, jeńiske degen jiger táji­rıbe men sheberlikti eńserip ketkeni málim. Sonymen, M.Kýkýshkın men L.Dlýhı arasyndaǵy báseke de kútkendegideı asa tartysty ótti. Tórt set boıynsha jeńim­paz anyqtalmady. Al sheshýshi besinshi set­te qazaqstandyq úlken tózimdilik ta­nytty. Nátıjesinde 6:0 esebimen aıqyn jeńdi. Qazaqstan Tennıs federasııasy Chehııada oqıtyn stýdentter men Germanııa sııaqty kórshi elderden jan­kúıer­ler uıym­das­tyrǵan bolatyn. Olardyń jáne resmı dele­ga­sııamyzdyń qýany­shy­nda shek bol­ǵan joq. Kók baıra­ǵymyzdy jeńiske jetken tennı­sshil­eri­miz­diń jelbirete jú­girýi mereıimizdi ósirdi. Jalpy, Qazaqstan quramasynyń bu­ǵan deıin Devıs Kýbogynda óner kór­setpegenin eskersek, elimiz úshin álem­niń úzdik segiz quramasynyń qa­taryna kirýi, sóz joq, úlken tabys. Má­selen, 1/8 kezdesýlerinde keıbir tanymal quramalar jarysty jalǵas­tyrý múm­kin­dikterinen aıyrylyp qaldy. Solar­dyń qatarynda shved tennısshilerine jol bergen Reseı qura­masy da bar. Endi 1/4 fınalda Qazaqstan quramasy Argentına quramasymen sheberlik syna­satyn bolady. Kezdesýlerdiń Argentınada nemese Qazaqstanda ótetinin Búkil­álemdik tennıs federasııasy sheshedi. Bul aıtýly jekpe-jekter Astanada óte­tin bolyp sheshilse, jankúıerlik tany­ta­tyn qazaqstandyqtar qatary kóp bola­tyny kúmánsiz. «Egemen-aqparat».