Baǵany baqylaý qataıa tústi

Oblystaǵy saýda oryndaryn­daǵy azyq-túlik baǵalarynyń kóte­rilýine jol bermeýde keshendi sharalar qabyldanýyna qa­ramastan, ónimniń keıbir túr­le­riniń qym­bat­taýy oryn alyp otyrǵany jasy­ryn emes. Qansha jerden qadaǵa­la­sań da qaltany qampıtýdy ǵana oı­laıtyn keıbir kásiporyndar, iri bazarlar men saýda oryndary kózdi ala berip, azyq-túlik baǵalaryn qym­­battata qoıýdan tyıylmaı keledi. Osy jáne basqa máseleler oblys ákimi Eleýsin Saǵyn­dy­qov­tyń tóraǵalyq etýimen azyq-túlik qaýipsizdigin qamtamasyz etý jáne azyq-túlik ónimderiniń negizgi túrlerine baǵanyń ósýine jol bermeýge baǵyttalǵan máji­lis­te ótkir áńgime ózegine aınaldy. Quqyq qorǵaý jáne qadaǵalaý-baqylaýshy organdar jetekshileri, Aqtóbe qalasynyń ákimi men birqatar aýylsharýashylyq ónim­derin óndiretin kásip­oryn­dar­dyń, qaladaǵy iri saýda mekemeleri men bazarlardyń basshylary qatysqan jıynda mundaı jáıt­terge jol bergenderden qatań suraldy. Bizdiń oblystaǵy ınflıasııa respýblıkalyq orta kórsetkish­ten tómen ekendigine qaramastan, arqany keńge salýǵa bolmaıdy, deı kelip, óńir bas­shy­sy mundaı mazmundaǵy jına­ly­styń osy jyly úshinshi márte ótkizilip otyrǵanyn tilge tıek etti. Áýeli jergilikti azyq-túlik rynogyn molshylyqta ustaý jáne birinshi qajettiliktegi azyq-túlik ónimderine baǵa ósýin ustap turý boıynsha qabyldanǵan sharalar týraly qala ákimi Arhımed Muhambetov pen «Aqtóbe áleý­met­tik-kásipkerlik korporasııa­sy» AQ basqarmasynyń tóraǵasy Serǵazy Esembaevtyń habarlary tyńdaldy. Qabyldanǵan sharalar nátıjesinde on eki ataýlar boı­yn­sha, onyń ishinde kúrish, qara­qumyq, qyryqqabat, kartop jáne basqa azyq-túlik túrlerine baǵa eleýli túrde tómendegeni atap ótildi. Báskelestikti qorǵaý agentti­gi­niń Aqtóbe jáne Batys Qazaqstan ob­lys­tary boıynsha óńiraralyq ıns­peksııasynyń bastyǵy Azamat Qam­shymbaev ózderi júr­giz­gen saraptama boıynsha, azyq-túlik ry­no­gymen qatar tutynym ryno­gyn­daǵy baǵany turaqtan­dy­rýǵa ar­nal­ǵan birqatar aýdan­dyq shtab­tardyń jumystaryn synǵa aldy. Máselen, Yrǵyz, Temir jáne Már­tók aýdandarynda azyq-túlik ba­ǵasy joǵary bolsa, eń qolaıly baǵa Shalqar aýda­nynda qalyptasqan. Oblys ákimi aýdan basshy­lary­na jýyq arada baǵa saıasa­tyn retteý týraly tapsyrma berdi. Alda­ǵy ýaqytta qabyldanǵan sharalar týraly birinshi basshy­lardyń esepteri tyńdalatyn boldy. Oblys ákimi «Savola Fýds SıAıEs» JShS jetekshisi Ba­qyt­jan Turmetovke jergilikti jerde óndiri­letin ónimniń baǵasy nelikten qymbat degen saýaldy tótesi­nen qoıdy. Atal­mysh ká­sip­oryn óndiretin «Leto» maıynyń bir lıtri 308 teńge turady, al Shyǵys Qazaqstan oblysynan ákelin­gen osyndaı ónim 301 teńgeden satylýda. Jergilikti rynoktaǵy qolje­tim­di baǵa boıynsha etpen qam­tamasyz etý joldaryn talqylaý barysynda oblys ákimi «ón­dirýshi – ónimdi ótkizýshi» tizbeginde del­dal-satyp alýshylardy boldyr­maý qajettigi­ne nazar aýdardy, osyǵan baı­la­nys­ty qajetti sharalar alý jóninde tıisti organdarǵa nusqaý berdi. Satybaldy SÁÝIRBAI, Aqtóbe oblysy.