Jetistikterimiz týy jelbireı bersin

Qostanaı qalasyndaǵy  sport saraıy Qazaqstan prezıdenttigine «Nur Otan» HDP-dan kan­dıdat N.Nazarbaevtyń jaq­tastaryna lyq toldy. Jabyq muz aıdyny ornalasqan bul saraıǵa ádette  úsh myń adam syıady. Al bul joly jı­nal­ǵandardyń qarasy odan da asyp ketti,  oryn tabyl­ma­ǵan­dary saraıdyń kireberisinde turdy. Forýmǵa jınalǵan ardagerler, jaýlyǵy aǵarańda­ǵan ájeler,  orta jastaǵylar, jastar kádimgi merekege kelgendeı kóterińki kóńil kúıdiń erkine ilesken. О́ıtkeni, Qa­zaq­stan prezıdenttiginen úmit­­ker Nursultan Nazar­baevtyń eń­be­gi  onyń kandıdatýrasyn jaq­taýshylarǵa burynnan da málim. Olardyń árqaısysy el­diń jarqyn bolashaǵyn Nur­­sul­tan Nazarbaevpen birge eles­tetedi.  Nursultan Ábish­­uly­nyń jaqtaýshylary ótki­zip otyrǵan forýmǵa qatysý úshin Qostanaıǵa «Qazaq­stan-2020» jalpyulttyq de­mo­­kra­tııa­lyq kúshter koa­lı­sııa­­sy­nyń ókilderi keldi.  Qu­ramyn­da esimi elge keńinen ta­nymal tulǵalar bar dele­ga­sııa­ny  bas­tap kelgen prezıdenttikten úmitker N.Nazarbaev res­pýb­lıkalyq qoǵam­dyq shta­by­nyń jetekshisi, «Nur Otan» HDP Tór­aǵa­sy­nyń birinshi oryn­basary  Nurlan Nyǵma­tý­lın kóp­shilik aldynda sóz sóıledi. – Elimiz egemendik alǵan jıyrma jyl ishinde  Qazaq­stan óziniń ekonomıkalyq jáne  áleýmettik tabystary­men, saıası jetistikterimen álemge tanyldy. Ol eń bas­tysy beıbit ómirdiń úlgisine aınaldy. 90-shy jyldary  eko­nomıkany kúshti daǵdarys­qa ushyratqan qıyn kezeńde Nursultan Nazarbaev ty­ǵy­ryqtan jol taýyp shy­ǵyp qana qoımaı, elimiz alǵa qa­rysh­tap damydy. Osyndaı jeńisterimizdiń barlyǵyn pre­­­zıdenttikke «Nur Otan» HDP-dan kandıdat N.Nazar­baevtyń atymen baıla­nys­ty­ramyz,  – dedi  Nurlan Zaı­rol­lauly. Munan keıin sóz alǵan delegasııa músheleri «Ádilet» demokratııalyq partııasynyń tóraǵasy Maqsut Nárikbaev, «Aýyl» sosıal-demokra­tııa­lyq partııasynyń tóraǵasy Ǵanı Qalıev, Qazaqstan Res­pýblıkasy Prezıdenti ja­nyn­daǵy Raqymshylyq ko­mıs­sııasynyń tóraıymy Zınaıda Fedotova, «Saýap» res­pýb­lıkalyq qoǵamdyq qory­nyń prezıdenti Baqytbek Smaǵul, Olımpıada chem­pıo­ny, boksshy  Ermahan Yby­raıy­mov  sóz aldy. Olar da jas memlekettegi  N.Nazar­baevtyń basshy­ly­ǵy­men at­qarylǵan orasan ju­mystarǵa toqtaldy. Munan keıin qosta­naı­lyqtar kezegimen  minberge kóte­rilip, Nursultan Nazar­baevtyń kandıdatýrasyn jaq­tap sóz sóıledi. Forýmǵa jınalǵan qos­ta­naılyqtar aldynda Qazaqstan Respýblıkasynyń halyq ár­ti­si Roza Rymbaeva, halyq­ara­lyq baıqaýlardyń  laýreaty «U­ly­­taý» toby jáne jergilikti ónerpazdar óner kór­setti. Forýmnan keıin «Qazaq­stan-2020»  jalpy­ulttyq de­mo­kratııalyq kúshter koalı­sııasy ókilderi «AgromashHoldıng» aksıonerlik qo­ǵamy, «Bolshevıchka» óndiris­tik kooperatıvi ujymdarynda boldy jáne Qostanaı aýdany turǵyn­darymen kezdesý ót­kizdi. Názıra JÁRIMBETOVA, Qostanaı.