Ár úmitkerdiń óz baǵyty bar

Biraq Otanǵa qyzmet etý bárin de biriktiredi Kókshetaýǵa keshigińkirep kelgen Mels Eleýsizovti Shoqan Ýálıhanov atyndaǵy memlekettik ýnıversıtettiń oqytýshylary men stýdentteri ashyq-jarqyn qarsy aldy. О́ıtkeni, Almatydan ushaqpen jetken Mels Hamzauly Astanadan shyǵysymen Qazaqstandaǵy jalǵyz ekologııalyq Býrabaı kolledjine aldymen atbasyn burýy zańdy edi. Qazaqstan prezıdenttigine kandıdat M. Eleýsizov elimizdegi «Tabıǵat» ekologııalyq odaǵynyń tóraǵasy ekeni belgili. Elimizdiń talaı beldi aza­mattaryn qarsy alǵan máji­lishana birden iskerlik sıpat aldy. Úmitker óz baǵdarla­ma­syn bastamas buryn ekologııa jáne geografııa fakýltetiniń 3-kýrs stýdenti Dosbol Sa­ǵyndyqov: «Prezıdenttikke kandıdat bolyp usynylǵan áriptesterińizden qandaı qa­sıet­terińizben erekshelenesiz?» degen suraq qoıdy. Bú­gingi jastardyń oı ıirim­deriniń tereńdigi men belsendiligine rıza bolǵan Mels Hamzauly áńgi­mesin shırata tógiltti. – Ár úmitkerdiń óz baǵyty bolǵanymen, táýelsiz Otany­myzǵa adaldyq, bolasha­ǵy­myz­ǵa nemquraıdy qaramaý qa­sıet­teri barshamyzdy biriktiredi, – degen ol minberdegi bir sa­ǵat­tan astam sózin osy suraq tó­ńi­re­ginen órbitti. Men resmı túr­de ekinshi ret úmitker bo­lyp otyrmyn. Kúsh-qýatym bol­sa áli de nıetimnen taı­maımyn. Másele ózgelerdiń artyq-kemdiginde emes, elimizdi eńselendirý baǵytyndaǵy kemel oıly azamattardyń kó­beıe túskendiginde. Sondyq­tan, kandıdattardyń barsha­sy­na qurmetpen qaraımyn. Meniń alǵa qoıǵan maqsat­ta­rym 2005 jylǵy baǵdar­la­mam­da da kórinis tapqan. Odan aýytqymaımyn ári únemi jetildirýmen kelemin. – Sizdi elimiz úlken ekolog retinde tanıdy. Áıtkenmen, memlekettiń bolashaq bas­shy­sy jan-jaqty bolýy kerek emes pe? – degen suraqty 4 kýrs stýdenti Sergeı Taranýha qoıdy. –  Qazirgi jáne bolashaq­taǵy saıasattyń eń irisi – eko­logııa. Osynaý tolǵaqty máse­le­lerdi kóterip júrgenimdi jan-jaqtylyqqa balaımyn, – dedi kezdesý qonaǵy. – Tabı­ǵattyń tepe-teńdigi buzylýy búkil álemdi alańdatyp otyr. Biz 200 jyldan beri, ıaǵnı órkenıetter qaqtyǵysynan beri aýamyzdy lastap, ony ja­ǵý­men kelemiz. Jahandyq jy­lyný, klımattyń ózgerýi oı­lanbaı qadam jasaýdan. Muz­daqtarymyzdyń 40 paıy­zy­nan aıyryldyq. Aýyz sý­dyń, azyq-túliktiń tapshy­ly­ǵy osydan. Tabıǵatqa jan­ashyr­lyq, onyń baılyǵyna únemshildikpen qa­raý kezek kúttirmeıtin mindet. Semeı, Aral apattaryn kórgen hal­qy­myz Balqashtyń, Kaspıı­diń múshkil halin kórýge jol bermeıdi dep úmittenemin. Biz «Semeı-Nevada» qozǵalysyn qoldaýshylardyń alǵashqy leginde boldyq. Balqashta  AES salynýyna tosqaýyl qoıdyq. Meni óskeleń elimizdiń eko­no­mıkasy, áleýmettik deńgeıi, ishki-syrtqy saıasaty men bedeli budan kem tolǵan­dyr­maıdy. Men prezıdent bol­ma­ǵannyń ózinde, alǵa qoıǵan jospar-jobalarymnyń jú­ze­ge asýy úshin talmaı kúre­setin bolamyn. Ardager ustaz Tynyshtyq Ahmetovanyń, oqytýshy Ká­rı­ma Qanıtaevanyń, jýrnalıst Baqyt Smaǵulovtyń til, ulttyq rýh, memleketti bas­qarý tetikteri týraly suraq­taryna da sa­lıqaly jaýaptar qaıtaryldy. – Tolǵanystaǵy halyq qana tórge ozady, – dedi M. Eleýsizov.  – Bizde belsendilik tómen, jasqanshaqtyq bar. Áli kúnge saılaýshylary­myz­dyń 20 paıy­­zy ǵana daýys berýge kelip júrgeni osyny aıt­qyzady. О́zi­mizdiń konstı­tý­sııa­lyq qu­qy­myzdy paıdalaný arqyly aza­mattyq mindetimizdi oryn­daı­myz, ádildikti ornatyp úıre­ne­miz. Men aldaǵy kúnderi «Ja­syl­dar» partııasyn qurmaqpyn,   kánekı, osyny kim qoldaıdy? Zal túgel qol kóterdi. Áserli kezdesýdi ýnıversıtet prorektory Amanaı Seıit­qasymov alǵys sózderi­men qorytyndylady. Baqbergen AMALBEK, Kókshetaý.