Kandıdattyń qarbalas kúnderi

El prezıdenttigine kandı­dat­tyń saılaý aldyndaǵy ala­man dodasyna túsý – aýyr syn, ar men adamgershilik ól­shemi ekendigi belgili. Bul saıası naýqan qaı úmit­kerge bolsyn úlken jaýapkershilik júk­teýmen birge, onyń ózinen zor qajyr-qaıratty, aqyl-pa­ra­satty talap eteri anyq. Mine, osyndaı synǵa táýe­kel etýshilerdiń ishinde halyq generaly dep atalyp júrgen Ǵanı Qasymovtyń bet-beınesi, ustanǵan baǵ­dar­lamasy birshama erekshe dep aıta alar edik. Burnaǵy kúni Qazaqstan pre­zıdenttiginen úmitker Ǵanı Qasymov Almaty qala­lyq №17 klınıkalyq aýrýha­na­syn­daǵy saılaýshy qaýym­men – dárigerlermen jáne orta býyn medısına qyz­met­ker­lerimen kezdesti. Bul kezdesýde densaýlyq saqtaýdy damy­tý, dárigerler men meıir­bı­ke­ler­diń, zeınetkerlerdiń jáne halyqtyń basqa da qaýqarsyz qalyń toptarynyń áleýmettik jaǵdaıyn jaqsartý jóninde úlken áńgime bolyp, múddeli pikir almasyldy. Dárigerler jalaqysynyń tómendigi, ony kóbeıtý qa­jet­tigi týraly Ǵanı Qasymov ózi­niń ótkende jarııa etken saıası tuǵyrnamasynda aıtqan bola­tyn. Sol sózin prezıdenttikke kandıdat taǵy qaıtalady. Mun­daı dáıekti ýádeshildik dári­gerler men meıirbı­ke­lerdiń kóńilinen shyqqan sııaqty. Aýrýhanadaǵy kezdesýden soń tústen keıin Ǵ.Qasymov óziniń shtabyna jınalǵan jýr­nalıstermen az-kem áńgi­me­le­sip, suraqtarǵa jaýap ber­di, óziniń saılaý aldyn­daǵy úgit-nasıhat jumystarynyń bary­syna toqtaldy. Osy rette qa­shannan bergi tilekshi dosy sa­naıtyn BAQ ókilderine úlken úmit artatynyn baıqatty. Prezıdenttikke kandıdattyń áleýmettik problemalardy sheshý, ákimshilik reformalar jasaý baǵytyndaǵy aıtqan­da­ry el ishinde unamdy silkinister týǵyzyp jatqan kórinedi. Osyǵan oraı Ǵ.Qasymov al­daǵy aptada saılaý aldyn­daǵy marafonǵa qatysty taǵy birneshe málimdeme jasaı­tynyn eskertti. Ǵ.Qasymov óziniń saılaý aldyndaǵy naýqanyna 6 mıllıon teńgeden astam qarjy bólinip otyrǵandyǵyn aıtty. Biraq onyń qalaı bólinip, qalaı jumsalatyny partııa­lyq uıalar arqyly júre­tin­dikten, qarjy máselesinde ázir eshteńe deı almaıdy. Saı­laý aldyn­da­ǵy úgit-na­sı­hatty qarjysy jetken jerge deıin júrgizedi. Patrıottar partııasynyń 14 oblystyq ko­mıteti, Astana, Almaty, Qaraǵandy qalalyq ko­mıtetteri, barlyǵy 50-den astam iri uıymdary bar. Alma­tyda 3 myń, basqa oblystar men qalalarda 200-300-den erik­tiler saılaýshylar arasyn­daǵy úgit-nasıhat jumystaryn júrgizýge kómektesýde. Prezıdenttikten úmitker úgit-nasıhat jumysynyń qar­qy­nyn arttyra túsýdi kózdep otyr. Bir jaǵy aqsha únemdeý úshin oblystarǵa jalǵyz bar­maqshy. Bul rette óziniń senim bildirilgen adamdaryna jáne, joǵaryda aıtqandaı, jýrnalısterge kóbirek arqa súıeıdi. Saılaý aldyndaǵy qarbalas kúnderde tynymsyzdyq ta­nyt­qan Ǵ.Qasymov halyqqa óz baǵdarlamasy unap jatqa­ny­na senimdi syńaıly. Qorǵanbek AMANJOL, Almaty. Sýretti túsirgen Bersinbek SÁRSENOV.