Merekeli jylǵa jarty mıllıard teńge!

Qarasý aýdanynyń ákimi Amantaı Seı­fýllın men osy óńirdegi jergilikti bıznes ókilderi eki jaqty memorandýmǵa qol qoıdy. Mundaǵy maqsat – áleýmettik sa­lany damytý arqyly aýdannyń, aýyl­dar­dyń kórkeıýine úles qosý. El táý­el­siz­diginiń  20 jyldyǵyn  laıyqty deńgeıde atap ótý úshin  ár qazaqstandyqtyń  at­sa­lys­qany mańyzdy. Muny Memleket basshysy óziniń bıylǵy  Joldaýynda da  atap aıtqan bolatyn. Al  aýyldy jerlerdegi áleýmettik máselelerdiń  sheshimin tabý úshin kásipkerlerdiń atsalysýy kerek-aq. Sondyqtan áleýmettik jobalardy  júzege asyrý úshin aýdanda qurylǵan qorǵa aýylsharýashylyq taýar óndirýshileri,  jergilikti orta jáne shaǵyn bıznes kásiporyndary 550 mıllıon teńge qarajat quımaq. Aýdanda búginde kásipkerlermen  barlyǵy 195 memorandýmǵa qol qoıyldy. Aýdan ákiminiń aıtýynsha, bıyl bul óńirde atqarylatyn is shash etekten. Jaz aılarynda oblystyq  «Tyń» sparta­kıa­da­syn ótkizý de aýdan úshin bir bel. О́ıt­keni, aýdanda zamanaýı talapqa saı stadıon da joq.  Aýyl adamdarynyń sportqa degen yntyzarlyǵyn arttyrý  jáne osy dástúrli sport merekesin oıdaǵydaı ót­kizý úshin  tyńǵylyqty daıyndyq aıasyn­da basqa da jumystar qamtylady. Al aýdandaǵy  aýyz sý máselesi de kúıip tur. Bul oraıda jergilikti bılik ókilderi men aýylsharýashylyq taýar óndirýshileri kúsh biriktire  jumys istemek. Iаǵnı, bı­yl bitelip qalǵan ózekti tazartyp, qal­py­na keltirý qolǵa alynbaq. Qysqasy, qordan bólinetin qarajat aýdandaǵy áleýmettik salanyń barlyǵyn qamtyp, tıimdi jumsalatyn bolady. О́ńirdiń gúldenýi, adamdardyń jaqsy turmysy úshin bıznes ókilderiniń eshqaısysy da aıanyp qalatyn kórinbeıdi. Osy aýdandaǵy «Qarasý» saýda-óndiristik kompanııasynyń ujymy jergilikti áleýmettik qorǵa 200 mıllıon teńge aýdaratyn boldy. Názıra JÁRIMBETOVA, Qostanaı oblysy, Qarasý aýdany.