Qazaqstan Respýblıkasy Úkimetiniń qaýlysy №1363

2010 jylǵy 15 jeltoqsan        Astana, Úkimet Úıi Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysyna tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Tegin medısınalyq kómektiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysyna (Qazaqstan Respýblıkasynyń PÚAJ-y, 2009 j., № 59, 529-qujat) mynadaı tolyqtyrýlar engizilsin: kórsetilgen qaýlymen bekitilgen tegin medısınalyq kómektiń kepildik berilgen kóleminiń tizbesinde: 5-tarmaqta: 2) tarmaqshadaǵy «tomografııany,» degen sózden keıin «pozıtrondyq-emıssııalyq tomografııany, bir fotondyq emıssııalyq kompıýterlik tomografııany,» degen sózdermen tolyqtyrylsyn; 3) tarmaqshada «hırýrgııalyq,» degen sózden keıin «ekstrakorporaldyq uryqtandyrýdy qosa alǵanda,» degen sózdermen tolyqtyrylsyn; 5) tarmaqshada «, sondaı-aq tis-jaq anomalııalaryn joıý úshin apparatty paıdalana otyryp, týa bitken jaq-bet músheleriniń patologııasy bar balalarǵa ortodonttyq kómek (ortodonttyq plastınka)» degen sózdermen tolyqtyrylsyn; mynadaı mazmundaǵy 11), 12) jáne 13) tarmaqshalarmen tolyqtyrylsyn: «11) anamnezinde operasııalyq aralasýlary, qan men onyń komponentterin quıý bar qan aýrýlarymen, qaterli isiktermen aýyratyn gemodıalızdegi balalardy «V» jáne «S» vırýsty gepatıtterine dıagnostıkalaýǵa skrınıngtik zertteýler (ımmýndyq fermenttik taldaý, polımerazdyq tizbektik reaksııa) júrgizý; 12) anamnezinde operasııalyq aralasýlary, qan men onyń komponentterin quıý bar qan aýrýlarymen, qaterli isiktermen aýyratyn gemodıalızdegi eresekterdi, sondaı-aq «V» jáne «S» vırýsty gepatıtterin juqtyrýdyń joǵary qaýpi bar medısına qyzmetkerlerin «V» jáne «S» vırýsty gepatıtterine dıagnostıkalaýǵa skrınıngtik zertteýler (ımmýndyq fermenttik taldaý, polımerazdyq tizbektik reaksııa) júrgizý; 13) áleýmettik-psıhologııalyq konsýltasııa berý.»; 6-tarmaqta: birinshi abzastaǵy «stasıonarlyq kómek» degen sózderdiń aldynan «ýákiletti organ bekitken túrler men kólemderge sáıkes» degen sózdermen tolyqtyrylsyn; 5) tarmaqsha «tamaqtanýdy» degen sózden keıin «, onyń ishinde bir jasqa deıingi balany emizetin anany balaǵa kútim jasaý boıynsha medısınalyq uıymda bolýynyń barlyq kezeńinde» degen sózdermen tolyqtyrylsyn. 2. Osy qaýly 1-tarmaqtyń 2011 jylǵy 1 qańtardan bastap qoldanysqa engiziletin altynshy jáne segizinshi abzastaryn jáne 2012 jylǵy 1 qańtardan bastap qoldanysqa engiziletin toǵyzynshy abzasty qospaǵanda, alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.