Qazaqstanda túrmede otyrǵandardyń sany azaıdy. Sonymen qatar halyqaralyq reıtıngtik kórsetkishte elimiz 62-orynǵa tómen syrǵydy. Bul týraly búgin Astanada ótip jatqan VII Sýdıalar sezinde Qaırat Mamı málimdedi.
"25 jylda túrmede otyrǵandar sany 3 esege azaıdy. Osy aralyqta Qazaqstannyń halyqaralyq deńgeıdegi reıtıngtik kórsetkishi tómendedi. Túrmege qamalǵandar sany boıynsha elimiz 30 eldiń ishinen 62-orynǵa tómen syrǵydy. Bul rette sot qyzmetine engizilgen jańa zamanaýı ozyq tehnologııalardyń qoldanysqa keńinen engizilýi oń septigin tıgizdi deýge tolyq negiz bar", – dedi jıynda arnaıy baıandama jasaǵan Joǵarǵy Sot tóraǵasy Qaırat Mamı.
Sonymen qatar osy ozyq tehnologııalardy qoldana bastaǵaly beri elimizde sottalǵandar sany 9,5 myń adamǵa kemigen.
"Biz jazalaýdyń ozyq úlgilerin paıdalana otyryp, kórsetkishimizdi joǵarylatýdamyz. Máselen, asa aýyr emes qylmys jasaǵan nemese ákimshilik jaýapkershilikke tartylǵan adamdardy otbasynan ajyratyp, qoǵamnan oqshaýlamaı-aq, probasııa qurylǵysyn qoldaný arqyly jazalaý ádisi óziniń tıimdiligin kórsetti. Sonyń arqasynda biz sottalǵandar sanyn 9,5 adamǵa deıin azaıta aldyq," – dedi Qaırat Ábdirazaquly.
Aıta keteıik, Qazaqstandy 62-orynǵa jyljytqan reıtıngtik kórsetkishti anyqtaýǵa álemniń 140 eli qatysqan bolatyn.
Nurlybek Dosybaı,
"Egemen Qazaqstan".
