Qyzylaǵashqa kóktem keldi

Qyzylaǵash aýylyndaǵy sý apatynyń bolǵanyna da bir jyl óte shyqty. Soǵan oraı oblys ákimdiginiń qoldaýymen osy ýa­qyt­tyń ishinde tolyqtaı derlik ja­ńadan salynǵan aýylda apatta qaza bolǵandarǵa arnalyp as berildi. Qasıetti juma kúni Qyzyl­aǵash aýylyna oblys ákimi Serik Úm­betov bastaǵan el aǵalary men ardagerler, zııaly qaýym ókilderi ar­naıy atbasyn tiredi.  Alqaly top aldymen qaza tapqandarǵa qoı­yl­ǵan eskertkishtiń aldyna jı­nalyp, arýaqtarǵa taǵzym etip, aqsarbas shaldy. Qazaqstan Mu­sylmandary dinı basqarmasynyń Taldyqorǵan óńirindegi ókil ımamy Jumanáli Amanov bozdaqtardyń arýaǵyna Quran baǵyshtap, duǵa jasady. Kelesi kezekte  2010 jyldyń 10 qazanynda qurylǵan “Jan­sú­gi­rov” qoǵamdyq qorynyń qaıy­rym­dylyq jolymen jınalǵan qarjy­syna satyp alynǵan aýyl­sharýa­shy­lyq tehnıka­laryn “Qy­zyl­aǵash Ltd” JShS-ne tapsyrý saltanaty ótkizildi. “Jansúgirov” qoǵamdyq qory­nyń bastamasymen qurylǵan “Qy­zylaǵash Ltd” jaýapkershiligi shekteýli seriktestiginiń kapı­ta­ly 180 mıllıon teńgeni quraı­dy. Atalǵan seriktestikke bul jo­ly quny 135 mln. teńgeni quraıtyn 45 tehnıka tabys etildi. Sondaı-aq, “Jansúgirov” qo­ǵamdyq qory tarapynan ujym­nyń mate­rıal­dyq bazasyn ny­ǵaı­týǵa 35 mıllıon teńge bólinip otyr. Bul qoldaý aýyl turǵyn­daryn shyn qýantyp, kóńilderin kókke kóte­rip tastaǵandaı boldy. Mashına-traktor stansasy ma­ńyna jınalǵan kópshiliktiń al­dynda oblys ákimi Serik Úm­be­tov sóz aldy. – Halqymyzda apat bolǵan jerge, qaıtys bolǵan baýyr­la­rymyzǵa as beretin ıgi dástúr bar. Búgin osyndaı sebeppen jı­naldyq. Soǵan oraı, Qyzylaǵash turǵyndarynyń áleýmettik jaǵ­daıyn jaqsartý jáne kóktem men kúzgi jumystaryna septigi bolar degen oımen “Qyzylaǵash Ltd” JShS-yn  quryp, búgin onyń qu­zyryna 45 jańa tehnıka tapsy­ryp otyrmyz. Mundaı tehnı­ka­lyq qýat qazirge deıin elimizdiń eshbir aýylynda joq. Qazir qol­daryńyzda 150 tonna tuqym bar eken. Oǵan taǵy da 150 tonna tu­qym qosyp, turǵyndardyń 1500 gektar jerdi ıgerýine jaǵdaı ja­samaqpyz. Munyń syrtynda taǵy bir “KamAZ” júk kóligi men bir benzovoz satyp alyp berýge ózi­miz kómektesemiz. Halyqtyń kó­ńil-kúıi kóterińki, bári de memleket qamqorlyǵyna alǵystaryn aıtyp, rahmetin jaý­dyryp otyr. Búgin aspannan nur jaýyp tur. Aldaǵy Naýryz meı­ra­myn da sizdermen birge qarsy alatyn bola­myn, – dedi ol. Osydan keıin kópshilik al­dyna shyqqan aýdandyq ardagerler keńesiniń tóraǵasy Nurbek Qasymbekov aqsaqal: – О́lkemizdi basshylar aıalaıdy, Qamqorshy bop halqyna  saıalaıdy. Qurylys sap, jol jóndep, sý júrgizip, О́z halqynan eshteńe aıamaıdy, – dep óleńmen aq tilegin aıtsa, kelesi sóz kezegin alǵan “Kaz­Agro­TehSnab” JShS-nyń ókili Baǵ­lan Muqtarǵalıuly jańa teh­nı­kalar­dyń múmkindigin tanys­ty­ra kelip, seriktestik atynan “Qy­zyl­aǵash Ltd” JShS ujy­my­na “Nı­­va” av­tokóliginiń kiltin tabys etti. Osyndaı ıgilikti isterge kýá bol­ǵan kópshilik budan keıin I. Jan­sú­girov atyndaǵy orta mek­­tep­tiń sport zalyna jaıylǵan das­tar­qan­ǵa bet aldy. Bul jerde de qa­za­ bol­ǵandar rýhyna Quran ba­ǵysh­talyp, aýyldyń jarqyn bo­lashaǵyn qa­lyptastyrý jaı­yn­daǵy aq tilekter aıtylyp jat­ty. “Ornynda bar ońalar” degenimiz osy da. Kúmisjan Baıjan.