Onlaın-konferensııa – ońtaıly ádis

Elordadaǵy «Astanalyq» bıznes ortalyǵynda Qazaqstan prezıdenttiginen úmitker Mels Eleýsizov buqaralyq aqparat quraldary ókilderimen kezdesti. Bnews.kz portalynyń uıymdastyrýymen ótken onlaın-konferensııada kandıdat tarapynan jýrnalısterdiń qoıǵan saýaldaryna jaýap alyndy. Onlaın-konferensııa jýrnalıst Tilek Temirbekovtiń júrgizýimen ótti. Onda kandıdattyń saılaýaldy tuǵyrna­ma­syna, onyń mazmuny men ereksheligine erekshe mán berildi. О́zderińiz biletindeı, Mels Hamzauly 2005 jylǵy prezıdenttik saılaýǵa da óz kandıdatýrasyn usyn­ǵan bolatyn. Bıylǵy jylǵy kezekten tys saılaýda atalǵan kandıdattyń tuǵyr­namasyna aıtarlyqtaı ózgerister engizile qoımaǵandyǵy málim boldy. Atap aıtqanda, bul joly da el ekologııasy men tabıǵaty basty nazarǵa alynypty. Elek­toratyn halyq dep tanystyrǵan Mels Eleýsizovtiń 2011 jylǵy Qazaqstan Respýblıkasynyń kezekten tys prezıdenttik saılaýyna barynsha qamdanǵan­dyǵy konferensııa basynda-aq belgili boldy. Bul rette kandıdat tórt kan­dı­dattyń ishinde ekinshi oryndy ıemdenetinine senimdi. Stýdııa júrgizýshisi Tilek Temirbekovtiń: «Sizdiń oıyńyzsha, saılaý­da ekinshi oryn alatyn bolsańyz, aldy­ńyzdan qandaı múmkindikter ashylmaq?» degen saýalyna Mels Eleýsizov: «Qazaq­stan Respýblıkasynda prezıdent bola almaı qalǵan jaǵdaıda, vıse-prezıdent bolýǵa múmkindik bar degen zań qaras­tyrylmaǵan, sondyqtan olaı bolǵan jaǵdaıda óz jumysymdy ári qaraı jalǵastyra beretin bolamyn», – dedi. Sondaı-aq, saılaýaldy naýqanǵa Úki­met tarapynan arnaıy bólingen qarajat­tyń qalaı ıgerilip jatqandyǵy jaıly saý­alǵa qazir tek BAQ ókilde­ri­niń kómegi­men kóptegen úgit-nasıhat júrgizilip jat­qandyǵyn, sonymen qatar, aldaǵy ýaqytta plakattarmen jumys istegende ıgerilmegen qarajat sol kezde ıgeriletindigin aıt­ty. Ol plakattar jaqyn arada elimizdiń barlyq oblystarynda ilinetin bolmaq. Konferensııa aıasynda úmitker tu­ǵyr­namasynyń reti tolyqtaı tanys­ty­ry­lyp, BAQ ókilderi arasynda kópte­gen suraqtar týdyrdy. Saýal men jaýap retinde ótken onlaın-konferensııa ba­ry­synda búgingi qoǵamdaǵy baı men kedeı arasyndaǵy jik te qalys qalǵan joq. Áńgime barysynda Mels Eleýsizov olardyń bir-birlerinen aıyrmashy­lyq­ta­ryna, onyń aldyn alý joldaryna keń túsinik tanytyp, úlken baıyppen qa­raı­tyndyǵyn da baıqatty. Osy máse­le­niń aldyn alý maqsatynda jumys oryndaryn ashýdy alǵa tartyp, kishi jáne orta bıznestiń joǵary deńgeıde damýy – kóptegen máselelerdiń aldyn alatyndyǵyn alǵa tartty. Sonda ǵana halyqtyń ál-aýqaty artyp, kedeıshilik máselesi azaıatyndyǵy aıtyldy. Juldyz BAIDILDA.