Qazaqstan Respýblıkasy Úkimetiniń qaýlysy №1245

2010 jylǵy 24 qarasha        Astana, Úkimet Úıi   Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 36) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasy bekitilsin. 2. «Qazaqstan Respýblıkasynyń teńizderi men ishki sý qoımalarynda munaı operasııalaryn júrgizýdiń tártibi týraly erejeni bekitý týraly» Qazaqstan Respýblıkasy Úkimetiniń 1997 jylǵy 27 qańtardaǵy №105 qaýlysynyń (Qazaqstan Respýblıkasynyń PÚAJ-y, 1997 j., №2, 23-qujat) kúshi joıyldy dep tanylsyn. 3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2010 jylǵy 24 qarashadaǵy №1245 qaýlysymen bekitilgen Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasy 1. Jalpy erejeler 1. Osy Teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasy (budan ári – Qaǵıda) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańyna (budan ári – Zań), Qazaqstan Respýblıkasynyń Ekologııalyq kodeksine (budan ári – Kodeks), jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańyna sáıkes ázirlendi jáne teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý tártibin anyqtaıdy. 2. Teńiz ben ishki sý aıdyndardaǵy munaı operasııalary óńirlik geologııalyq-geofızıkalyq zertteýler men munaı, gaz jáne kondensat óndirýge, barlaýǵa qatysty jumystardy jáne olarmen biryńǵaı tehnologııalyq sıklmen baılanysty munaıdy, gaz ben kondensatty ýaqytsha saqtaýdy jáne qubyrjol kóligimen teńiz qurylystarynan qurlyqqa aıdaýdy, sondaı-aq teńiz qurylystaryn, jasandy araldardy, dambalar men qondyrǵylardy salý, montajdaý jáne olardyń tynys-tirshiligin qamtamasyz etý jónindegi jumystardy qamtıdy. 3. Kaspıı jáne Aral teńizderiniń qazaqstandyq sektoryndaǵy jer qoınaýy ýchaskelerinde jáne Qazaqstan Respýblıkasynyń ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalary belgili bir tereńdikpen shektelýi múmkin. 2. Teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý tártibi 4. Teńizde munaı operasııalaryn júrgizýdiń erekshelikteri belgilengen tártippen bekitilgen jobalaý qujattarynda kózdelýge tıis. 5. Jobalaý qujattarynyń kórsetkishterin ózgertken kezde jer qoınaýyn paıdalanýshy jumys baǵdarlamasyna tıisti ózgerister engizedi. Jobalaý qujattaryn bekitý jáne jumys baǵdarlamasyna ózgerister engizý bir mezgilde jasalady. Jobalaý qujattary (olarǵa ózgerister jáne/nemese tolyqtyrýlar) jer qoınaýyn zerdeleý jáne paıdalaný jónindegi ýákiletti organ bekitkenge deıin Paıdaly qazbalardy barlaý jáne ıgerý jónindegi ortalyq komıssııada qaralady. Paıdaly qazbalardy barlaý jáne ıgerý jónindegi ortalyq komıssııa qaralǵan jobalaý qujattaryn bekitýge usynǵan kezde jer qoınaýyn zerdeleý jáne paıdalaný jónindegi ýákiletti organ jobalaý qujattaryn bekitedi. 6. Jer qoınaýyn paıdalanýshy teńizde munaı operasııalaryn júrgizý kezinde bul operasııalardy teńiz keme qatynasyna, balyq aýlaýǵa jáne ádette, Zańnyń 93-babyna sáıkes teńizdiń naqty ýchaskesinde júzege asyrylatyn ózge de zańdy qyzmetke kedergi men zııan keltirmeıtindeı etip júzege asyrady. Teńizde munaı operasııalaryn júzege asyratyn jer qoınaýyn paıdalanýshy Zańnyń 93-babyna sáıkes teńizdiń lastanýyn boldyrmaý jónindegi arnaýly baǵdarlamalardy ázirleıdi jáne olardy jobalaý qujattarynyń quramynda bekitedi. Bul baǵdarlamalar: 1) júrgiziletin munaı operasııalaryn ishki baqylaý; 2)   personaldy oqytý; 3)   uńǵymalardy baqylaýǵa alý, avarııalyq jáne ózge de qaýipti jaǵdaılar týyndaǵan jáne teńiz lastanǵan jaǵdaıda qajetti jabdyqtarmen jáne materıaldarmen qamtamasyz etý; 4)   teńizde avarııalardy jáne olardyń zardaptaryn joıýǵa mamandanǵan ózge de uıymdardy tartý; 5)        teńiz lastanǵan jaǵdaıda dereý oqshaýlaý jáne teńizdi tazartý jónindegi sharalardy ázirleýdi qamtıdy. 7.         Qazaqstan Respýblıkasynyń Úkimeti belgilegen Kaspıı teńiziniń soltústik bóligindegi memlekettik qoryq aımaǵy sheginde fýnksıonaldyq aımaqqa bólý negizinde Kodekstiń jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń talaptaryna sáıkes sharýashylyq nemese ózge qyzmetke tolyq tyıym salynǵan jáne jumystardyń jekelengen túrlerin júrgizýge qosymsha ýaqytsha shekteýler salynǵan qoryqtyq ýchaskeler bólinedi. Ken oryndaryn paıdalanǵan kezde Kaspıı teńizdiń soltústik bóligindegi memlekettik qoryq aımaǵynda munaı tasymaldaý Zańnyń 114-babyna sáıkes Qazaqstan Respýblıkasynyń ekologııalyq zańnamasynda belgilengen talaptar saqtalǵan jaǵdaıda qubyrjoldar arqyly júzege asyrylady. Erekshe ekologııalyq, ǵylymı, tarıhı-mádenı, rekreasııalyq qundylyǵy bar jer qoınaýy ýchaskelerinde «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 77-babyna sáıkes memlekettik tabıǵı-qoryq qorynyń geologııalyq, geomorfologııalyq jáne gıdrogeologııalyq obektileriniń saqtalýyna qater tóndiretin kez kelgen qyzmetke tyıym salynady. 8. Tótenshe ekologııalyq jaǵdaı aımaqtarynda munaı operasııalaryn júrgizý Kodekstiń 176-babynda belgilengen quqyqtyq rejımdi saqtaýmen júzege asyrylady. 9. Teńizdegi, ishki sý aıdyndardaǵy, tótenshe ekologııalyq jaǵdaı aımaqtaryndaǵy jáne erekshe qorǵalatyn tabıǵı aýmaqtardaǵy munaı operasııalaryn jer qoınaýyn paıdalanýshylar Qazaqstan Respýblıkasynyń Úkimeti aıqyndaıtyn tártippen jer qoınaýyn utymdy jáne keshendi paıdalaný talaptaryna sáıkes júrgizedi.