Qazaqstan Respýblıkasy Densaýlyq saqtaý mınıstrliginiń buıryǵy №902

2010 jylǵy 19 qarasha, Astana qalasy «Zırattarǵa qoıylatyn sanıtarııalyq-epıdemıologııalyq talaptar» sanıtarııalyq erejesin bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 5) tarmaqshasyna, 145-babynyń 1), 3), 28) tarmaqshalaryna sáıkes buıyramyn: 1. Qosa berilip otyrǵan «Zırattarǵa qoıylatyn sanıtarııalyq-epıdemıologııalyq talaptar» sanıtarııalyq erejesi bekitilsin. 2. Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti (K.S. Ospanov) osy buıryqty Qazaqstan Respýblıkasy Ádilet mınıstrligine memlekettik tirkeýge jibersin. 3. Qazaqstan Respýblıkasy Densaýlyq saqtaý mınıstrliginiń Ákimshilik-quqyqtyq jumys departamenti (F.B. Bısmıldın) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin ony resmı jarııalaýǵa jibersin. 4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıtetiniń tóraǵasy K.S. Ospanovqa júktelsin. 5. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi. Mınıstr     S. QAIYRBEKOVA Qazaqstan Respýblıkasynyń Densaýlyq saqtaý mınıstriniń 2010 jylǵy 19 qarasha № 902 buıryǵymen bekitilgen «Zırattarǵa qoıylatyn sanıtarııalyq-epıdemıologııalyq talaptar» sanıtarııalyq erejesi 1. Jalpy erejeler 1. «Zırattarǵa qoıylatyn sanıtarııalyq-epıdemıologııalyq talaptar» sanıtarııalyq erejesi (budan ári – sanıtarııalyq ereje) zırattardy ornalastyrýǵa, máıitterdi jerleýge jáne qaıta jerleýdi uıymdastyrýǵa qoıylatyn sanıtarııalyq-epıdemıologııalyq talaptardy belgileıdi. 2. Osy sanıtarııalyq erejede mynadaı termınder men anyqtamalar paıdalanyldy: 1) zırat – máıitterdi jerleý úshin arnaıy bólingen aýmaq; 2) zırattyq kezeń – máıitterdi mıneraldaý prosesi júretin ýaqyt; 3) máıittiń súıegi – máıittiń shirimegen qaldyǵy; 4) jerleý (jerleý rásimi) – qaıtys bolǵan adamnyń tilegine, dinı nanymyna, sanıtarııa­lyq, tabıǵatty qorǵaý, qala qurylysy jáne ózge de erejeler men normalarǵa qaıshy kelmeıtin ádet-ǵurypqa jáne salt-dástúrge sáıkes qaıtys bolǵan adamnyń denesin (máıit qaldyqtaryn) jerge (zıratqa, saǵanaǵa) kómý nemese súıegi (kúli) bar ýrnany zıratqa, saǵanaǵa jerleý arqyly otqa jaǵý (kremasııa) boıynsha ádet-ǵuryp áreketi; 5) jerleý bıýrosy, jerleý rásimin júrgizýge qyzmet kórsetetin bıýro-dúkeni – qaıǵyly salt-dástúrlerdi júrgizýge qyzmet kórsetetin jáne soǵan arnalǵan taýarlardy satatyn obekt. 2. Zırat salýǵa jer ýchaskesin tańdaýǵa, jobalaýǵa jáne paıdalanýǵa engizýge qoıylatyn sanıtarııalyq-epıdemıologııalyq talaptar 3. Zırat salýǵa jer ýchaskesin tańdaý kezinde mynadaı faktorlar eskeriledi: 1) qala qurylysynyń maqsaty jáne aýmaq­tyń jer bederin aımaqtaý; 2) geologııalyq, gıdrogeologııalyq, gıdrogeo­hı­mııalyq jáne geografııalyq topyraq derekteri; 3) topyraqtyń jáne qumtopyraqtyń ózdi­ginen tazarý múmkindigi; 4) erozıondyq áleýeti jáne lastanýdyń kóshýi; 5) kólik qoljetimdigi; 6) jer ýchaskesiniń buryn paıdalanylýy; 7) jer ýchaskesindegi radıasııanyń deńgeıi; 8) jumys istep turǵan obektilerden sanı­tarııalyq ajyraýdy uıymdastyrý múmkindigi. 4. Zıratqa bólinetin ýchaskede: 1) eldi mekenge, ashyq sý qoımalaryna, sondaı-aq sharýashylyq-aýyz sý jáne turmystyq maqsat úshin halyq paıdalanatyn jer sýy kózderine qarama qarsy jaqqa eńisi bolýy; 2) tasqyn sýy kezinde sý baspaýy; 3) jer sýy jaǵdaıynyń deńgeıi jer sýynyń barynsha úlken jaǵdaıy kezinde jer betinen keminde 2,5 metr (budan ári – m) bolýy tıis. Jer betinen 2,5 metr joǵary deńgeı kezinde zıratty ornalastyrý úshin ýchaske kremasııadan keıin kómý úshin ǵana paıdalanylýy múmkin; 4) 1,5 metr jáne odan tómen tereńdikte qurǵaq, jumsaq topyraq (qumdaq, qum) jáne topyraqtyń ylǵaldylyǵy 6-18 prosent (budan ári - %) sheginde bolýy; 5) turǵyn aýmaqqa qatysty jel soǵatyn jaqqa ornalasýy tıis. 5. Zıratty myna: 1) sýmen jabdyqtaý kózderiniń jáne mı­ne­raldy kózderdiń sanıtarııalyq qorǵanysh aı­maqtarynyń birinshi jáne ekinshi beldikterinde; 2) kýrorttardyń birinshi sanıtarııalyq qor­ǵanysh aımaǵynda; 3) úńgirler men qatty jaryqshaqtanǵan taý jy­nystarynyń betine shyǵarýǵa jáne jer as­tynan sý shyqqan jerlerge; 4) sý basatyn, shógý jáne opyrylýǵa ushy­raıtyn, batpaqty ýchaskelerge; 5) sharýashylyq-turmystyq qajettilik, sho­mylý jáne basqa da mádenı-saýyqtyrý is-sharalary úshin halyq paıdalanatyn I jáne II sa­nattaǵy sý qoımalarynyń jaǵalaýlarynda; 6) kúıdirgi aýrýy boıynsha stasıonarlyq qolaısyz pýnktterde; 7) ashyq jerlerdegi dozanyń qýatyn arttyratyn gamma-sáýlelenýiniń tıimdi doza­sy­nyń qýaty saǵatyna 0,2 mıkroZıvertten asatyn aýmaqtarda ornalastyrýǵa jol berilmeıdi. 6. Zırat zırattyń qorshaýynan mynadaı: 1) birinshi turǵyn úı-qoǵamdyq ǵımarattarǵa, sporttyq-saýyqtyrý jáne sanatorııalyq-kýrorttyq aımaqtarǵa deıin – keminde 300 metr; 2) sý kóziniń sanıtarııalyq qorǵanysh aımaq­tarynyń beldikterin esepteý qashyqtyǵynyń jetkiliktiligin jáne súzgileý ýaqytyn rastaı otyryp, halyqty sýmen jabdyqtaýdyń ortalyq­tanǵan kóziniń sý jınaý qurylysyna deıin – keminde 1000 metr qashyqtyqty esepteı otyryp, ornalastyrylady. 7. Jabyq zırattardyń sanıtarııalyq qorǵa­nysh aımaǵynyń mólsheri zırattyq kezeń ót­kenge deıin qysqarmaýy tıis. 8. Jobalanatyn jáne jumys istep turǵan zırattardyń sanıtarııalyq-qorǵanysh aımaǵy­nyń aýmaǵynda ǵıbadat etý jáne ádet-ǵuryp obektilerin qospaǵanda turǵyn úı jáne qoǵam­dyq ǵımarattar salýǵa jol berilmeıdi. 9. Sanıtarııalyq qorǵanysh aımaqtarynyń aý­­maǵy abattanady, kógaldanady jáne as­falttalady. 10. Jerleýdiń jalpy aýdany zırattyń jalpy aýdanynyń 65-70 % esebimen qabyldanady. 11. Zıratty ornalastyrý ýchaskesi jáne onyń kólemi eldi mekenniń jobalaý jáne qurylys josparynda zırat jabylǵannan keıin onyń aýmaǵyn saıajaı nemese jáne baq salýǵa tikeleı paıdalaný múmkindigi eskerile otyryp kózdeledi. 12. Zıratty jobalaǵan kezde: 1) zıratty aýmaqqa bóle otyryp, jerleý aımaǵynyń josparly sheshimi; 2) kólik joly, jaıaý júrgin joldar; 3) ınsolıasııany jáne jetkilikti jeldetýdi qamtamasyz etýdi eskere otyryp, jasyl jelekterdi ornalastyrý, sıpaty jáne aýdany; 4) sýmen jabdyqtaýmen, kárizdeýmen (zı­rattyń aýmaǵynda ǵıbadat etý jáne ádet-ǵuryp obektilerin jobalaǵanda) qamtamasyz etý kózdeledi. 13. Jerleý bıýrosy, jerleý rásimin júrgizýge qyzmet kórsetetin bıýro-dúkeni turǵyn úıler­den, qoǵamdyq ǵımarattardan keminde 50 metr qashyqtyqta bólek turǵan ǵımarattarǵa orna­lastyrylýy tıis. 14. Zırattyń aýmaǵy sektorlarǵa bólinýi, abattandyrylýy, qorshalýy, kólik joly bolýy, fýnksıonaldyq aımaqtary (zırattyń perımetri boıynsha kirý, salt-jora, ákimshilik-sharýa­shy­lyq, jerleý, jasyl qorǵanysh) bolýy tıis. 15. Qalalar jáne basqa da eldi mekenderdiń halqy sharýashylyq-aýyz sý maqsatynda paı­dalanatyn ortalyqtanǵan sharýashylyq-aýyz­sýmen jabdyqtaý júıelerin, sondaı-aq sanıta­rııalyq-qorǵanysh aımaqtar men zırattardyń aýmaqtary boıynsha ortalyqtanǵan kárizdeý júıelerin júrgizýge jol berilmeıdi. 16. Zırattyń sýǵarý jáne jınaý jumystaryn júrgizý úshin derbes sýmen jabdyqtaý júıe­le­riniń nemese tasymaldanatyn sýmen tolty­ryl­ǵan rezevýarlardyń sýyn paıdalaný kózdeledi. 17. Ortalyqtandyrylǵan sýmen jabdyqtaý jáne kárizdeý júıeleri bolmaǵan kezde quıý úshin shahtalyq qudyq ornatýǵa jáne qazylǵan tıptegi qoǵamdyq dárethanalar salýǵa jol beriledi. 18. Zırattyń jáne jerleý maqsatyndaǵy ǵı­marattardyń aýmaǵynda avtokatafalk, avtokólik turaǵy, qoqys jınaýǵa arnalǵan ýrnalar, qoqys­jınaǵyshtarǵa kólikpen barý joly bar alańdar kózdeledi. Qoqysjınaǵyshtarǵa arnalǵan alańdar qor­shalady jáne asfalttalǵan nemese betondalǵan jabyny bolady. 19. Zırattyń aýmaǵy qajettiligine baıla­nysty jınalýy tıis. 20. Árbir qabirde eresek adamdarǵa, bala­larǵa ýchaske bólinedi. Qabirdiń tabanynan jer asty sýlary turǵan deńgeıge deıin keminde 0,5 metr bolýy tıis. 21. Qaıta jerleýge qaıtys bolǵan adamda asa qaýipti ınfeksııalyq aýrý (kúıdirgi aýrýy) bolmaǵan jaǵdaıda, jerlengen sátinen bastap birinshi eki apta ishinde keıinnen jerlengen sátinen bastap keminde úsh jyldan soń, qumdaýyt jerlerde keminde bir jyldan soń jáne osy sanıtarııalyq erejege qosymshaǵa sáıkes memlekettik sanıtarııalyq-epıdemıologııalyq qyzmet organynyń sanıtarııalyq-epıdemıologııalyq qory­tyndysy bolǵan kezde jol beriledi. 22. Máıittiń súıegi alynǵan jaǵdaıda qabir dezınfeksııalanady jáne qum sebiledi, al qabirden alynǵan máıittiń súıegi qaqpaqty jáshikterde tasymaldanady, tabyt jáshikke salynady jáne jańa orynǵa tasymaldanady. Jerleý júrgizilgen tabyt saqtalmaǵan kezde tabyttyń qaldyqtary arnaıy bólingen oryndarda órteledi. 23. Qaıta jerleýmen aınalysatyn adamdar; 1) sirespege jáne kúıdirgige qarsy egilýi; 2) arnaıy kıimmen jáne aıaq qıimmen, jeke qorǵanysh quraldarymen (rezeńke etikter, rezeńke qolǵaptar, respırator nemese aýyz ben muryndy jabatyn dáke tańǵyshtar, kombınezon) qamtamasyz etilýi tıis. 24. Arnaıy kıimdi úı jaǵdaılarynda jýýǵa jáne zararsyzdandyrýǵa jol berilmeıdi, al jumys júrgizý kezinde qoldanylatyn qural-saı­man zırattan tys shyǵarylmaýy tıis. 25. Arnaıy kıim jáne arnaıy aıaq kıim eksgýmasııa boıynsha jumys aıaqtalǵannan keıin ar­naıy bólingen oryndarda tazartylýǵa jáne dezınfeksııalanýǵa jatady nemese órteledi. Dáke tańǵyshtar eksgýmasııa boıynsha jumys aıaqtalǵannan keıin órteledi. 26. Eksgýmasııalanǵan qaldyqtardy tasymal­da­ǵannan keıin kólik dezınfeksııalanýǵa ja­tady. 27. Etıologııasy belgisiz ınfeksııalardan jáne asa qaýipti ınfeksııalardan qaıtys bolǵan adamdardy jerleý myryshtalǵan, germetıkalyq dánekerlengen tabyttarda júrgiziledi. 28. Zıratty kóshirý jáne kómý kezinde aýmaqtardy (ýchaskelerdi) qalpyna keltirý júr­gizilýi tıis. Turǵyn úı aýmaǵyn josparlaý úshin jerleýdiń joıylatyn oryndarynyń topyraq­taryn paıdalanýǵa jol berilmeıdi. 29. Qurylys jumystaryn júrgizý kezinde burynǵysy belgisiz jerleýler anyqtalǵan jaǵ­daılarda máıittiń súıekterin qaıta kómý jáne aýmaqty qalpyna keltirý júrgizilýi tıis. 30. Zırattardyń aýmaǵyn paıdalaný ony kóshirgen sátinen bastap jıyrma jyl ótken soń jol beriledi. Aýmaq bul jaǵdaılarda kók jelekterdi otyrǵyzýǵa ǵana paıdalanylady. «Zırattarǵa qoıylatyn sanıtarııalyq-epıdemıologııalyq talaptar» sanıtarııalyq erejesine qosymsha Nysan Sanıtarııalyq-epıdemıologııalyq qorytyndy (máıitti qaıta kómýge arnalǵan) Sanıtarno-epıdemıologıcheskoe zaklıýchenıe (na perezahoronenııa trýpa) № ________ 2010 jylǵy «_____»___________________ _______________________________________ (máıittiń qaıtys bolǵan sebebi týraly qorytyndy bergen medısınalyq uıymnyń ataýy) _______________________________________ (naımenovanıe medısınskoı organızasıı vydavsheı zaklıýchenıe o prıchıne smertı ) _______________________________________ qaıtys bolǵan adamnyń tegi, aty, ákesiniń aty (famılııa, ımıa, otchetsvo ýmershego) _______________________________________ týǵan jyly, qaıtys bolǵan kúni (god rojdenııa, data smertı) Qaıtys bolǵan adamnyń turǵan meken-jaıy (Adres projıvanııa ýmershego):________ (respýblıka, oblys, qala, aýdan, kóshe, úı, páter) _______________________________________ (respýblıka, oblast, gorod, raıon, ýlısa, dom, kvartıra) Medısınalyq uıymnyń qorytyndy-sy______________________________________ (Zaklıýchenıe medısınskoı organızasıı) (qaıtys bolǵan sebebi, berilgen kúni) _______________________________________ (prıchına smertı, data vydachı ) _______________________________________ (asa qaýipti ınfeksııalardyń, etıologııasy belgisiz ınfeksııalardyń bolýy nemese bolmaýy) _______________________________________ (nalıchıe ılı otsýtstvıe osobo opasnyh ınfeksıı, ınfeksıı neızvestnoı etıologıı) Jerlengen orny (Mesto zahoronenııa)______________________________________ (respýblıka, oblys, qala, aýdan) _______________________________________ (respýblıka, oblast, gorod, raıon) Máıitti tasymaldaýǵa arnalǵan kólik quraly: (Transportnoe sredstvo dlıa perevozkı trýpa):________________________________ (temir jol, áýe kóligi, avtomıbıl) _______________________________________ (jeleznodorojnyı, avıasıonnyı, avtomobılnyı) Máıit tasymaldanatyn jerdiń meken- jaıy:__________________________________ (respýblıka, oblys, qala, aýdan) (Adres mesta transportırovkı trýpa) _______________________________________ (respýblıka, oblast, gorod, raıon) Máıitti tasymaldaý kezinde epıdemııaǵa qarsy is-sharalar ótkizý_________ (Provedenıe protıvoepıdemıcheskıh meroprııatıı prı transportırovkı trýpa) _______________________________________ (osınkovannyı, germetıchno zapaıannyı grob, nalıchıe derevıannogo, plotno skolochennogo ıashıka) _______________________________________ (myryshtalǵan, germetıkalyq dánekerlengen tabyt, berik qabystyrylǵan aǵash jáshiktiń bolýy) Sanıtarııalyq-epıdemıologııalyq saraptama (Sanıtarno-epıdemıologıcheskaıa ekspertıza): máıitti tasymaldaý, qaıta kómý ____________________________________________ (astyn syzý kerek) (ruqsat etiledi, ruqsat etilmeıdi) perevoz, perezahoronenıe trýpa ___________________________________________ (podcherknýt) (razreshaetsıa, ne razreshaetsıa) Mór orny Memlekettik sanıtarııalyq-epıdemıologııalyq Mesto pechatı qyzmet organynyń jetekshisi Rýkovodıtel gosýdarstvennogo organa sanıtarno-epıdemıologıcheskoı slýjby _____________________________ qoly (podpıs) Buıryq Qazaqstan Respýblıkasynyń Ádilet mınıstrliginde 2010 jylǵy 20 jeltoqsanda Normatıvtik quqyqtyq kesimderdi memlekettik tirkeýdiń tizilimine №6691 bolyp engizildi.