Yntymaqtastyqtyń keleshegi talqylandy

Astanada Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev BUU Bas hatshysynyń arnaıy ókili, BUU-nyń Ortalyq Azııadaǵy aımaqtyq bitimgerlik dıplomatııa ortalyǵynyń basshysy Mıroslav Enchany qa­by­ldady, dep habarlady QR SIM-iniń baspasóz qyzmeti. Kezdesý barysynda Ortalyq Azııadaǵy sý-ener­getıkalyq resýrstardy basqarý, zańsyz kóshi-qon, esirt­ki trafıgi jáne transshekaralyq qylmys, ekst­re­mızm men terrorızmge qarsy kúresti qam­tıtyn ynty­maqtas­tyq  máseleleriniń keń sheńberi, sondaı-aq aý­ǵan prob­le­masymen qosa, aımaqtaǵy ahýal talqylandy. Aýǵan máselesin qozǵaı otyryp, Q. Saýdabaev terrorızm, zańsyz esirtki trafıgi men dinı ekstre­mızmge tegeýrindi qarsy kúresýdiń kókeıkestiligine toqtaldy jáne Astananyń atalǵan eldi áleýmettik-ekonomıkalyq jańǵyrtýǵa jan-jaqty kómek berýdi odan ári jalǵastyrý nıetin qýattady. Qyrǵyzstandaǵy aǵymdaǵy jaǵdaıdy áńgime ete otyryp, Qazaqstan syrtqy saıasat vedomstvosynyń basshysy Elbasynyń bastamasy boıynsha dostas elge memleketaralyq kómek kórsetý jónindegi baǵdarlama ázirlenip jatqandyǵyn málimdedi. BUU men Qazaqstan arasyndaǵy jahandyq jáne aı­maqtyq deńgeıdegi yntymaqtastyqtyń údemeli damý sı­pa­tyna toqtala otyryp, M. Encha Prezıdent N. Na­zarbaevtyń usynysymen taıaýda Qazaqstan ókili Q. To­qaevtyń BUU Bas hatshysynyń orynbasary – BUU-nyń Jenevadaǵy bóliminiń Bas dırektory joǵary laýazy­my­na taǵaıyndalýy yntymaqtastyqtyń bir aıǵaǵy ekendigin atap ótti.