Qaıtarymsyz kómek kórsetiledi

Keshe Qazaqstan Respýblıkasy Qorǵanys mınıstrliginde Shanhaı yntymaqtastyq uıymynyń qurylǵanyna 10 jyl tolýy qarsańynda osy uıymǵa múshe memleketter qorǵanys mınıstr­leriniń májilisi ótti. QR Qorǵanys mınıstri Ádil­bek Jaqsybekovtiń tóraǵalyq etýimen ótken májiliste Qytaı Halyq Respýblıkasynyń Ulttyq qorǵanys mınıstri Lıan Gýanle, Qyrǵyz Respýblıkasynyń Qorǵa­nys mınıstri Ábıbolla Qudaı­berdıev, Reseı Feder­asııasy Qor­ǵanys mınıstriniń orynbasary Anatolıı Antonov, Tájikstan Res­­pýblıkasynyń Qorǵanys mınıstri Sheralı Haırýlloev pen О́zbekstan Respýblıkasy Qorǵa­nys mınıstriniń halyqara­lyq baı­­la­nys jónindegi orynbasary Rýstam Nııazov qatysty. Májiliste ShYU-ǵa múshe mem­leketter qorǵanys vedomstvolary yntymaqtastyǵynyń damý barysy, halyqaralyq jáne óńirlik qaýipsiz­dikke baılanysty máseleler qaral­dy. Sonymen birge onda óńirdi tu­raq­syzdandyrýǵa baǵyttalǵan kez kel­gen is-qımylǵa qarsy tura ala­tyn senimdi mehanızmdi qurýdyń ma­­ńyzdy ári ol kóp josparly mi­n­det­terdiń biri bolyp sanalatynyna, bul baǵyttaǵy negizi súıenish jaýyn­gerlik daıyndyqtyń deńgeıin kóterý men áskerı bilimdi jetildirý ekendigine basa mán berildi. Osy máselege baılanysty QR Qorǵanys mınıstri Qazaqstan ShYU-ǵa múshe memleket­ter­diń ártúrli salalarda qaýipsizdi­gi­niń qamtamasyz etilýine, turaq­ty­lyǵy men ózara is-qımylyna nazar aýdaratynyn atap ótti. Al jıynǵa qatysqan basqa elder mınıstrleri bolsa, ShYU-ǵa múshe memleket­ter­diń yntymaqtastyǵy zor áleýetke ıe, ol óńirlik jáne halyqaralyq qaýipsizdikti tıimdi túrde iske asy­rý­ǵa, sonymen birge qorǵanys sala­syn reformalaýda ózara is-qımyl tanytýǵa, áskerı kadrlardy ázir­le­ý­ge erekshe yqpal etetinin aıt­ty. Má­jiliste taǵy da áskerı sa­la­daǵy senim sharasy men turaq­ty­lyqty kú­sheıtý, óńirdegi qaýip­siz­dik pen beı­bitshilikti nyǵaıtý, lańkestikke qar­sy kúresti jetildirý máselesi kó­te­rildi. Jıyn sońynda ShYU-ǵa mú­she memleketter qorǵanys mı­nıstr­leri­niń 2012-2013 jyldarǵa ar­nal­ǵan yntymaqtastyq jospary bekitildi. Al keshe jáne arǵy kúni Qor­ǵa­nys mınıstri Á.Jaqsybekov QHR Ulttyq qorǵanys mınıstri Lıan Gýanlemen jáne qyrǵyz­stan­dyq árip­te­si Ábıbolla Qu­daı­ber­dıevpen ótkizgen kezdesýinde ShYU aıasyn­da­ǵy eki jaqty yn­ty­maqtas­tyq má­selelerin talqyla­dy. Qytaı mınıstrimen kezdesýde qor­ǵanys vedomstvo­synyń bas­shy­sy elimiz­diń ShYU aıasynda QHR-men yn­ty­maqtas­tyq­qa ba­ryn­sha mańyz beretinin, sonyń sheń­berinde turaq­ty túrde lańkes­tik­ke qarsy birlesken áskerı jat­ty­ǵý­lardyń, halyq­ara­lyq jáne óńir­lik saıasattyń ózekti máseleleri bo­ıyn­sha aqparat almasý men keńesý­ler­diń ótkizilip jat­qa­nyn tilge tıek etti. Al Qytaı Qorǵanys mınıstri byltyr Máti­bu­laq polıgon­yn­da ót­ken «Beıbit mıssııa – 2010» jatty­ǵý­laryn jo­ǵary baǵalaıty­nyn, osy jatty­ǵý­lar ShYU qarý­ly kúshteri­niń birigip kez kelgen qaýipke toı­tarys bere alatynyn kórsetkenin aıtty. Sonymen birge ol Qytaıdyń ShYU aıasynda bar­lyq memlekettermen terezesi teń saıasat júr­gi­ze­tin ózara syılas­tyq pen ynty­maq­tas­tyqty ny­ǵaı­týdaǵy ustanymyn bildirdi. Al Qyrǵyzstan Qorǵanys mınıstrimen ótken kezdesýde taraptar «Qa­zaq­stan Respýblıkasy Úk­imeti men Qyrǵyz Respýblıkasy Úki­me­ti ara­syn­daǵy qaıtarymsyz ás­ke­rı kómek kórsetý týraly kelisimge» qol qoı­dy. Osy jerde UQShU mú­she memleketterge áskerı mamandar daıarlaý jónindegi kelisim aıas­ynda osyǵan deıin 70-ke tarta qyrǵyz áskerı qyzmetshileriniń qaı­tarym­syz negizde Qazaqstan Res­pýb­lı­ka­sy Qor­ǵa­nys mı­nıstr­liginiń joo-la­ryn­da bilim alǵanyn, al qazir kórshi eldiń 110 áskerı qyz­met­shisiniń eli­mizdiń áskerı oqý oryn­darynda bilim alyp jatqanyn atap ótken jón. Dastan KENJALIN.