OQO-da 3D formatyndaǵy taqtalar daıyndalmaq

Shymkenttegi «Tassaı» ındýstrııaldy aımaǵynda Qazaqstandaǵy erekshe jobalardyń biri sanalatyn zaýyt iske qosyldy. «Mega Smart» jobasynyń ashylý saltanatyna Ońtústik Qazaqstan oblysynyń ákimi Janseıit Túımebaev qatysyp, zaýyttyń jumys barysymen tanysty, dep habarlady oblys ákimdiginiń baspasóz qyzmeti. О́ńir basshysy oblysta qurylǵan barlyq ındýstrııaldy aımaqtarda ekonomıkasyn ártaraptandyrý men kásipkerlikti damytýǵa memleket tarapynan tıisti jaǵdaılardyń jasalǵandyǵyn jetkizdi. «Aýmaǵy 89 ga quraıtyn «Tassaı» ındýstrıaldy aımaǵynda 24 ınvestısııalyq joba qolǵa alynýda. Solardyń biri – «Mega Smart» JShS-nyń MDF jyltyr plıtasyn jáne jıhaz shyǵaratyn zaýyty. Osy joba boıynsha oblysqa 545 mln.teńge ınvestısııa tartylyp, 69 adam turaqty jumyspen qamtyldy» – dedi Janseıit Qanseıituly. Ońtústik Koreıanyń tehnologııasymen jabdyqtalǵan kásiporyn 3D formatyndaǵy jyltyr taqtalardy daıyndaıdy. Jylyna 72 myń MDF panelderin jáne 5000 dana jıhaz shyǵarady. Keńselerge jáne bilim berý mekemelerine qajetti jıhazdar jasaıdy. Daıyn taýarǵa jumsalatyn shıkizattyń 94 paıyzy jergilikti ónim. Onyń qatarynda maqta talshyǵy da qoldanylady. «Mega Smarttyń» ónimderine Qazaqstanda suranys joǵary. Jyltyr taqtalardy О́zbekstan, Qyrǵyzstan jáne Tájikstan elderine eksporttaýǵa kelisimsharttar jasalýda. Sondaı-aq, Reseı elimen de kelisim bar. Zaýyttyń qazirgi tańda Almaty, Qyzylorda, Qostanaı jáne Pavlodar qalalarynda arnaıy ókildikteri jumys jasaıdy. Aldaǵy ýaqytta elimizdiń qalǵan óńirlerinde de ókildikterin ashý josparlanyp otyr.