Eýropalyq parlament adamzattyń jasandy ıntellekt jáne robottarmen qarym-qatynasyn retteıtin zań jobasyn daıyndap jatyr, dep habarlaıdy BBC.
Eýroparlament músheleriniń aıtýynsha, álem búginde jańa ónerkásiptik tóńkeristiń aldynda tur.
Atalǵan zań jobasy arqyly eýropalyq zań shyǵarýshy organ robottarǵa "elektrondy tulǵa" anyqtamasyn berý jaǵyn oılastyrýda.
Eýroparlament qabyrǵasynda berilgen esepke qaraǵanda, robotta kez kelgen ýaqytta ony sóndirip tastaıtyn arnaıy túımesi bolýy mindettemek.
Sonymen qatar, robottyń ıeleriniń olardan qandaı da bir fızıkalyq nemese psıhologııalyq qater alý múmkindigi bolmaýy kerek.
Basylymnyń habarlaýynsha, aldaǵy ýaqytta jasandy ıntellekttiń kez kelgen túri álemge ónerkásiptik tóńkeris ákelmek.
Qazir eýropalyq parlament ókilderi jumys oryndaryna jappaı robottardyń tartylýynan adamzattyń jumyssyz qalý múmkindigin eskerip, osy máseleni sheshý jaǵyn oılastyrýda.
Esepte aldaǵy birneshe jylda jasandy ıntellekt adamzatqa qaraǵanda aqyldyraq bolyp ketýi múmkin ekeni de aıtylǵan. Tıisinshe, adamzattyń kerisinshe robottarǵa táýeldi bolyp qalý qaýpi de joq emes.
