BQO-da basqarma basshysy aýysty

Batys Qazaqstan oblysynyń ákimi Altaı Kólginovtiń ókimimen Mırjan Munaıdaruly Satqanov BQO jolaýshylar kóligi jáne avtomobıl joldary basqarmasynyń basshysy bolyp taǵaıyndaldy, dep habarlaıdy «QazAqparat» HAA tilshisi. Basqarma ujymyna jańa basshyny oblys ákiminiń birinshi orynbasary Arman О́teǵulov tanystyryp, qyzmetine sáttilik tiledi. BQO ákiminiń baspasóz qyzmetinen túsken málimetke qaraǵanda, M.M.Satqanov 1977 jyly dúnıege kelgen. Bilimi joǵary. Túrkııa Respýblıkasy Dokýz Eılıýl ýnıversıtetin támamdaǵan. 2001 jyly Oral qalalyq qarjy bóliminiń jetekshi mamany bolsa, 2001-2004  jyldary - Batys Qazaqstan oblysy kásipkerlikti qoldaý jáne damytý departamentiniń bas mamany, bólim bastyǵy,  2004-2005  jyldary - Batys Qazaqstan oblysy kásipkerlikti qoldaý jáne damytý basqarmasy bastyǵynyń orynbasary, 2005 jyly - Batys Qazaqstan oblysy kásipkerlik jáne ónerkásip basqarmasynyń bólim bastyǵy, 2005-2006 jyldary - Batys Qazaqstan oblysy kásipkerlik jáne ónerkásip departamenti dırektorynyń orynbasary, 2006-2010 jyldary - «Qazaqstan Halyq bankiniń zeınetaqy jınaqtaý qory» AQ-nyń Batys Qazaqstan oblysy fılıaly dırektorynyń orynbasary qyzmetin atqardy. Sondaı-aq 2010-2011 jyldary Batys Qazaqstan oblysy kásipkerlik jáne ónerkásip basqarmasy bastyǵynyń orynbasary, 2011-2012 jyldary «BQO kásipkerler qaýymdastyǵy» zańdy tulǵalar birlestiginiń atqarýshy dırektory, 2012-2013 jyldary Batys Qazaqstan oblysy kásipkerlik jáne ónerkásip basqarmasy bastyǵynyń orynbasary, 2013-2015 jyldary Batys Qazaqstan oblysy kásipkerlik jáne ındýstrıaldyq-ınnovasııalyq damý basqarmasy basshysynyń orynbasary qyzmetin atqarsa, 2015 jyldyń 26 qazanynan búginge deıin Batys Qazaqstan oblysy kásipkerlik jáne ındýstrıaldyq-ınnovasııalyq damý basqarmasynyń basshysy boldy.