1. Qazaqstan Respýblıkasy Prezıdentiniń Arhıvi memleket Basshysynyń 1994 jylǵy 14 qańtardaǵy № 1502 Jarlyǵymen burynǵy Ortalyq memlekettik qazirgi zaman tarıhy arhıviniń negizinde quryldy.
2. Arhıv Qazaqstan Respýblıkasy Prezıdentiniń, onyń Əkimshiliginiń jəne memleket Basshysyna tikeleı baǵynatyn basqa da memlekettik organdardyń qyzmetin aqparattyq-arhıvtik qamtamasyz etý salasynda negizgi mindetterdi atqarady.
3. Arhıvtiń saıty
www.archive.president.kz.
4. 2017 jyldyń 1 qańtardaǵy jaǵdaıy boıynsha Arhıvte 1918-2013 jyldar aralyǵyn qamtıtyn 789 myńnan astam saqtaý birlik memlekettik esepke alynǵan.
5. Arhıvte Qazaqstan Respýblıkasy Prezıdenti aktileriniń túpnusqalary, sondaı-aq onyń halyqaralyq kongressterde, forýmdarda, kezdesýlerde jasaǵan baıandamalarynyń mətinderi jáne basqa da qujattar saqtalýda.
6. Arhıv Qazaqstan Kompartııasy OK-i, LKJO OK-i jáne olardyń negizin qalaýshy ortalyq organdardyń 1918-1991 jj. qyzmetteri barysynda qalyptasqan tarıhı qujattardy saqtaıdy.
7. 1998 jyldan bastap Arhıv jeke tekti qujattardy jınaqtaýdy bastady. Bul eń aldymen – Qazaqstannyń saıası, memleket jəne qoǵam qaıratkerleriniń qujattary. 2017 jyldyń 1 qańtardaǵy jaǵdaıy boıynsha memlekettik saqtaýǵa 85 jeke qor alynǵan.
8. 2017 jyldyń 1 qańtaryndaǵy jaǵdaı boıynsha Qazaqstan Respýblıkasy Prezıdentiniń Arhıvi Elektrondy arhıviniń sıfrlengen ister sany 40 myń isti quraıdy.
9. 1994 jyldan bastap Arhıv 59 qujatty jınaqtar men 24 aqparattyq-anyqtamalyq basylymdar daıyndap shyǵardy.
10. 1994 jyldan bastap Arhıvtiń Oqyrman zalynda osy ýaqytqa deıin 5,3 myńnan astam izdenýshi jumys istedi, onyń ishinde – Reseıden, Ýkraınadan, Armenııadan, О́zbekstannan, AQSh, Ulybrıtanııadan, Kanada, Germanııa, Japonııa, Fransııa, Italııa, Polsha jəne Rýmynııadan kelgen izdenýshiler bar.
J. Ú. Ábdiqadyrova,
QR Prezıdentiniń Arhıvi dırektorynyń orynbasary
