Áskerı-teńiz kúshteriniń korablderi Kaspıı teńizine shyǵarylady

Qazaqstan Áskerı-teńiz kúshteriniń ártekti korablderiniń dıvızıonynda kýrstyq tapsyrmany pysyqtaý, ıakı korablderdi urys pen joryqqa ázirleý bastaldy. Bul týraly QR Qorǵanys mınıstrliginiń baspasóz qyzmetinen habarlady. Kýrstyq tapsyrmaǵa «Saryarqa», «Qazaqstan» «Oral» zymyran-artıllerııalyq korablderi jáne «Jaıyq» gıdrografııalyq kemesi qatysady. Kýrstyq tapsyrma bar-joǵy úsh elementti qamtıdy: kúndelikti uıymdastyrý, jaýyngerlik uıymdastyrý jáne korabldi urys pen joryqqa daıyndaý bolyp tabylady. 21814 áskerı bólimi komandıriniń jaýyngerlik jáne dene daıarlyǵy jónindegi orynbasary 3-dárejeli kapıtan Rýstam Júnisovtiń aıtýynsha, ekıpaj korablderdi baptaý, qarý men tehnıkalyq quraldardy paıdalaný, korabldi, arnaıy kezekshilik jáne vahtalyq qyzmetterdi uıymdastyrý, qarýdyń barlyq túrleriniń oq-dáriler jıyntyǵyn, jarylǵysh, ýly jáne órtke qaýipti zattardy qabyldaý, ornalastyrý, kúndelikti baptaý jáne paıdalaný máselelerin reglamentteıtin qujattardy ázirleýmen aınalysatyn bolady. Odan basqa, kýrstyq tapsyrmany pysyqtaý sheńberinde korabldi, jaýyngerlik bólikti, bólimsheni, turaqtaǵy barlyq korabldi kesteler boıynsha jeke quramnyń is-áreketterin basqarý suraqtaryn zerdeleý qarastyrylǵan. Áskerı-teńiz kúshterinde kýrstyq tapsyrmany tapsyrý sýústi korablder men qosalqy kemelerdi jaýyngerlik turǵyda daıyndaýdyń negizgi elementi bolyp tabylady. Atalǵan sabaqtar jıi ótkizilip turady. Sebebi, árbir áskerı korablde joryqqa daıyndaýdyń ózindik erekshelikteri bolady. Ony jeke quram jyldan jylǵa jetildirip turǵany abzal.