Almatyǵa kóktem keldi

Iá, kóktem keldi degenshe, qazaqqa naýryz keldi deseıshi...   Ulystyń uly kúni – naýryzdy qazekem «kún men tún teńesken qasıetti kún,  jańa jyl, yrys berekeniń basy» dep sanaıdy. Sol qasıetti kúndi yrymdap, qalaıda  aıtýly etip qarsy alýǵa qam jasaıdy. Mine, osy  halyqtyq  meıramǵa bir jarym mıllıondaı  turǵyny bar   kúńgeıdegi bas qala  erte bastan daıyn­dalady. Búgin biz Almaty qalasyndaǵy  óndiris, saýda oryndary, áleýmettik nysandary   kóp ornalasqan eń iri Bos­tandyq aýda­nyn­daǵy  daıyn­dyq barysymen tanysý maqsa­tyn­da aýdan ákimi Záýresh AMANJOLOVAǴA   jolyqqan edik. – Záýre Jumanáliqyzy, bıyl­ǵy naýryz meıramynyń jóni bólek bolǵaly tur. Keń baı­taq Qazaqstan kóginde kók baı­raǵymyzdyń jelbiregenine 20 jyl tolǵaly otyr. Soǵan qa­raǵanda, bıylǵy naýryz meı­ramyn barynsha mazmun­dy, ba­rynsha dýmandy ótkizý­ge kúsh salyp jatqan bolarsyzdar? – Iá. Biz daıyndyqty naý­ryz aıynyń alǵashqy kúninen bastap, atqarylatyn is-shara­lar­dyń jo­ba­syn, josparyn jasap, yqtııat­tap alǵanbyz. Onda eń aldymen, ót­kiziletin baǵdar­la­malardyń maq­satyn aıqyn­da­dyq. Ol – jas­tardy pat­rıot­tyq, otansúıgishtik qasıet­ke baýlı otyryp, óz mem­le­ketiniń ta­rıhyna, ondaǵy turatyn Qa­zaq­stan halqynyń salt-dás­túrin, mádenıetin tanyp bilýge, syılaýǵa úndeý. 10-y naýryzdan ákimdiktegi ár bólim merekelik is-sharany óz salasy boıynsha ót­ki­zý­di bastap ji­berdi. Máselen, má­de­nıet pen tilderdi damytý bólimi naýryzdyń 10 men 21 aralyǵynda aý­dandyq kitaphana men oqý oryn­dary kitap­hanalarynda táýel­siz­diktiń 20 jyl­dyq rámizderin paıdalana oty­­ryp, ulttyq merekege arnalǵan kitap kórmesin, oqý­shy­lar kon­fe­ren­sııasyn, sazdy-poe­tı­kalyq keshter uıymdastyrýda. Sondaı-aq, «Atakent» kesheninde 22 naýryz kúni aýdandaǵy shy­ǵar­mashylyq ujymdar men Qazaq­stan estrada juldyzdarynyń qa­tysýymen konserttik baǵdarlama, mektep oqý­shy­larynyń qatysýy­men ulttyq sport túrlerinen ja­rystar ótkizip, aýdanǵa eńbegi sińgen azamattardy marapattap, Qurmet gramotalary men alǵys hattar tabystaımyz. Sondaı-aq, joǵary oqý oryn­darynda táýelsizdiktiń 20 jyl­dy­ǵy­na oraı «Ulystyń uly kúni qut­ty bolsyn!» festıvalin ótkiz­bek­piz. Aýla klýbtarynyń kúshi­men mádenı-oıyn saýyq shara­la­ryn, sonymen qatar aýdandaǵy ult­tyq-mádenı ortalyqtardyń qa­ty­sýymen halyq shyǵarmashy­ly­ǵy kórmesi uıymdastyrylady. Al mektep oqýshylary arasynda táýelsizdiktiń 20 jyldyǵy aıa­syn­da «Kóktem keldi, Naýryz keldi!» taqyrybynda plakat, sýret salý boıynsha jáne shyǵarma jazýdan baıqaý ótkizilmek. Jáne kishkene balaqaılar arasynda asfaltta sýret salýdan da baıqaý uıym­das­tyrylady. Eń bastysy – abat­tandyrý bólimi aýdan bo­ıyn­sha barlyq mekeme, kásiporyn, uıym­darmen birlese otyryp, sa­nı­tarlyq tazalyq jumysyn júr­g­izýge kúsh salady. Sonymen qatar «Atakentte» saýda mekemeleri, ká­siporyndar halyq tutynatyn ta­ýarlar, ulttyq tamaqtar túr­le­rin, kýlınarlyq táttilerdi, sýsyn satý­dy uıymdastyrmaq. Árıne, naý­ryz kójesiz qandaı meıram bol­syn, Qazaqstanda turatyn ha­lyq­tardyń ulttyq taǵamdaryn ázirleıtin aýdandaǵy eń úzdik meıramhanalar tegin naýryz kóje, baýyr­saq, palaý, t.b. as mázirin usyn­sa, áleýmettik sala bólimi naý­­ryz merekesine oraı jaǵdaıy tó­men, jalǵyzilikti, múgedek, jetim balalar men qarttarǵa arnalǵan qaıyrymdylyq aksııasyn ótkizip, jaǵdaıy tómen zeınetkerlerge azyq-túlik paketin daıyndap, al múgedekterge dári-dármek prepa­rat­taryn taratady. Bárin tize ber­meı-aq qoıaıyn, basqa da is-shara­lar naýryz aıy boıy júrgizilmek. Áńgimelesken Gúlzeınep SÁDIRQYZY.