Aqtóbe oblysynyń aýdan əkimderi 2016 jyl boıynsha esep berdi

Berdibek Saparbaev oblystaǵy 12 aýdan men Aqtóbe qalasy ákimderiniń 2016 jyly atqarǵan jumystarynyń qorytyndysyn tyńdady, dep habarlady oblys ákiminiń baspasóz qyzmeti. Barlyq ákimderdiń esebin tyńdaǵan óńir basshysy Berdibek Saparbaev 2017 jyly ekonomıka men áleýmettik salany odan ári damytýdy qamtamasyz etý úshin barlyq rezervterdi anyqtap, olardy paıdalanýǵa qatysty birqatar tapsyrmalar berdi. « Kóptegen máselelerde memlekettik-jeke seriktestik mehanızmderin paıdalanýǵa bolady jáne bul qajet te, turǵyn úı kommýnaldyq sharýashylyq salasyndaǵy, jol qurylysy, halyqty jumyspen qamtý, sonymen qatar shaǵyn jáne orta bıznesti qoldaý máselelerdi sheshý jumystaryn kúsheıte túsý kerek. Azyq-túlik qaýipsizdigi áleýetin ári qaraı ósirý jáne aýyldyqtardy jumyspen qamtý maqsatynda egis alqabyn,  sýarmaly jerlerdi keńeıtý, mal sharýashylyǵy men eginshilikti damytý, óndiristik aýyl sharýashylyq kooperatıvterin qurý, aýyl sharýashylyǵyna ınvestısııa tartý boıynsha jobalardyń júzege asyrylýyn jandandyra túsý qajet»,- dedi Berdibek Saparbaev. Budan buryn habarlanǵandaı, 2016 jyldyń qorytyndysy boıynsha oblys aýyl sharýashylyǵynda quny 3,2 mıllıard teńge bolatyn 25 ınvestısııalyq joba júzege asyryldy. Aýyl sharýashylyǵy naqty kóleminiń kórsetkishi 8,6%-ǵa, dándi daqyldyń ortasha túsimdiligi 2,2 ese ósti. Iri jáne usaq qara mal basy, jylqy, qus sany ósti. 72 aýyl sharýashylyq óndiristik kooperatıvi qurylyp, qoldanystaǵy sýarmaly jer aýmaǵy 18 600 gektaran asty. Taǵy 19,5 myń gektar sýarmaly jer halyqaralyq Eýropalyq qaıta qurý jáne damý jáne Islam damý bankteriniń kómegimen qalpyna keltirilmekshi.