Áıelder arasynda synda Qazaqstannyń birinshi, Avstralııa chempıonatynyń 31-raketkasy Iýlııa Pýtınseva ıspanııalyq Lara Arrýabarrenamen sheberlik baıqasady. Iýlııa Laradan buryn bir ret jeńilgenimen, osy joly qarymta qaıtarýyna múmkindigi bar.
Taǵy bir qazaqstandyq Iаroslava Shvedovaǵa qıyndaý tıedi. Ol týrnırdiń 27-inshi raketkasy, rýmynııalyq Irına Begýmen kezdesedi.
Al Galına Voskoboeva týrnırdiń 11-inshi raketkasy, ýkraınalyq Elına Svıtolınamen betpe-bet keledi. Buryn Galına qarsylasyn eki ret utyp, bir márte jeńilgen.
Aıta keteıik, Avstralııa ashyq chempıonaty - álem birinshiligimen teń sanalatyn tórt «Úlken dýlyǵa» týrnıriniń alǵashqysy. Oǵan qatysýdyń ózi úlken mártebe bolyp esepteledi. Ár jeńis reıtıngtik upaı qoryn molaıtýmen birge qarjylaı jaǵynan da paıdaly. Iаǵnı erler de, áıelder de 36,1 mln. astam AQSh dollarynan turatyn júlde qoryn bóliske salady.
