Astanada «О́r Torǵaı - erlik mekeni» atty kitap tanystyryldy

Astanada jýrnalıst Abylaı Maýdanovtyń «О́r Torǵaı - erlik mekeni» atty jańa kitabynyń tanystyrylymy ótti, dep habarlaıdy QazAqparat. Kitap «О́r Torǵaı-erlik mekeni» atty ekspedısııanyń júrip ótken jolyn, óńirdegi tarıhı eskertkishter jaıly qundy derekterdi, osy barystaǵy ekspedısııanyń atqarǵan isterin arqaý etken. «Qazaqtyń ór rýhty ólkesiniń biri - Torǵaı dalasy. Osy qasıetti mekende el tarıhynda alar orny zor iri oqıǵalardyń bolǵany belgili. Solardyń biri 1916 jylǵy halyq kóterilisi. О́tken jyly osy kóterilistiń 100 jyldyǵyna oraı uıymdastyrylǵan «О́r Torǵaı - erlik mekeni» ekspedısııasynyń quramynda bolyp, Aqmola-Qaraǵandy-Qostanaı oblystary aýmaǵyndaǵy 2500 shaqyrym joldy júrip óttim. Mine, sol maǵynaly, mándi sapardyń áserimen, kórgen-túıgenimdi baıan etken jol jazbamdy oqyrmanmen bólisip otyrmyn», - deıdi kitap avtory Abylaı Maýdanov. Atalǵan sharaǵa  tarıhı ekspedısııanyń uıymdastyrýshylary Jomart Túbekbaev, Meıram Aıdabolov, Birjan Meshelov jáne tarıh ǵylymdarynyń kandıdaty Qurmanǵalı Dárkenov, belgili ólketanýshy, «Búkilálemdik Shyńǵyshan  akademııasynyń» qurmetti akademıgi Shóptibaı Baıdildın, belgili jýrnalıst Anar Tóleýhan, Azamat  Esenjol, aqyn Saılaý Jylqybaev qatysyp qundy oı-pikirlerimen bólisti. Esterińizge sala keteıik, ótken jyldyń qyrkúıek aıynda, quramynda belgili ǵalymdar men ólketanýshylar jáne jýrnalıster bar arnaıy top qatysqan «О́r Torǵaı - erlik mekeni» atty ekspedısııa uıymdastyrylǵan bolatyn.