Stasıonarlyq sahna boı kóteredi

Mańǵystaý oblystyq Mád­e­nı­et basqarmasynyń basshysy B.Ba­zar­­­baevtyń aıtýynsha, Aqtaý qa­la­synyń 4 jáne 15 shaǵyn­ ­aý­dan­­dar tusyndaǵy teńiz jaǵa­­la­­ýy­nan salynatyn eki nysan­nyń quny 260 mln teńgeni quraıdy. Mańǵystaý oblysy men oblys ortalyǵy – Aqtaý qalasynyń basty sharalary ótedi dep josparlanǵan jobaǵa saı, nysannyń jertóle qabatynda ártister úshin grımerlik bólme men kostıýmder bólmesi ornalasady, sondaı-aq, sahna aldyndaǵy alańda kórermender úshin oryndar qaralǵan. – Qazirgi tańda 15 shaǵyn aýdandaǵy sahna qurylysynyń jobalyq-smetalyq qujattary daıyndaldy, ekinshi jobanyń qujattaryn daıyndaý jumystary bas­talýda. Qarajat bólinisimen, qurylys jumystary bastalady, – deıdi basqarma basshysy. Qazir árbir sharany ótkizý úshin sahnany tasymaldaý, ony qurý jáne jınaý, taǵy da basqa qajetti jumystarǵa jarty mıllıonǵa jýyq aqsha jumsalady eken. Stasıonarlyq sahna shyǵyndy aqtaıdy jáne tıisinshe qysqartady dep otyr mamandar. Qurylys aıaqtalǵan soń sahna jobanyń tapsyrys berýshisi bolyp tabylatyn  Aqtaý qalalyq ákimdiginiń quzyryna beriletin bolady. Aqtaýda ótetin iri sharalarda teńiz jaǵasyndaǵy alańdarda yǵy-jyǵy halyqpen birge, ártisterdiń kıinip-sheshinýine jáne grımerlenýine avtobýstar qyzmet etetin. Halyqtyń erkin júrip-turýyna kedergi keltiretin avtobýstar shoǵyryn endi stasıonar sahnalar almastyratyny qýantady. Bul – qarjylyq únemdeý jaǵyn aıtpaǵanda,  halyq úshin de, ártister úshin de qýanyshty jańalyq. Gúlaıym ShYNTEMIRQYZY, «Egemen Qazaqstan» Mańǵystaý oblysy