Ǵasyr jasaǵan qarııa

Qańtar aıynyń birinshi kúni Alǵabas aýyldyq okrýginiń turǵyny Rahıma Esenǵalıeva 100 jasqa toldy. Keıýanany ǵa­syrlyq toıymen quttyqtaı barǵan aýdan ákimi Abat Shy­nybekov qýanysh ıesine qurmetin kórsetip, ıyǵyna qamzol-sharqatyn japty. Aýdandyq ardagerler keńesiniń tóraǵasy Ánýarbek Ǵalymov, Alǵabas aýyldyq okrýginiń ákimi О́rken Ámenov te aýdan basshysymen birge lebizderin bildirdi. Rahıma Esenǵalıeva 1917 jyly Jańaqala aýdanynyń qazirgi Jańaqazan aýylynda dúnıege kelgen. 1924 jyly mektepke baryp, 4 synyptyq bilim alǵan. Rahımanyń taǵdyry áp degennen ońaı bolmady. Ashtyqty, joqshylyqty kórdi. 12 jasynan bastap er adamnyń jumysyn jasady. 30-jyldardyń alasapyranynda qalǵan Rahımaǵa basqa amal da bolǵan joq edi. Ol egin saldy, shabyndyqqa shalǵy siltedi, shómele úıdi. Saýynshy boldy, malshylarǵa kómekshi boldy. Soǵystaǵy jaýynger azamattarǵa qolǵap toqyǵan da – osy Rahıma. Rahıma áje 1934 jyly Isat Esenǵalıev degen azamatpen tur­mys qurdy. Ekeýi alty birdeı per­zentti tárbıelep, ósirdi. KSRO Mınıstrler Keńe­siniń 1947 jylǵy 3 maýsy­myn­daǵy qaý­­lysyna sáıkes Ka­pýs­tın Iаr rake­talyq polıgony qu­ryldy. 1952 jyly keńestik oz­byr­lyq­tyń kesiri Narynǵa myq­tap turyp tıdi. El toz-toz bolyp, basy aýǵan jaqqa kúsh­tep kó­shirildi. «Myl­tyq atatyndardyń kesi­ri­nen elden kóshtik!» deıtini osy ǵoı ájeıdiń. – Bizdi áskerı kólikpen kó­shirdi. Astyna saban tóselgen kóliktiń aıadaı bortyna dú­nıe­simen, múlkimen birge 4-5 otbasy bir tıeledi. Jańaqazannan Aqyrapqa solaı keldik. Birer aıdan keıin malymyz keldi, – deıdi áje ótkendi eske alyp. Sóıtip Esenǵalıevter 1952 jyly Jańaqazan aýylynan Jympıty aýdanynyń Aqrap aýylyna (qazirgi Sasyqkól eldi mekeni) kóship keldi. Ájemiz 1967 jylǵa deıin saýynshy bolyp eńbek etti. Sol jyly zeınet­kerlikke shyqty. Ol osy ýaqytqa deıin on úsh nemere, jıyrma úsh jıen, eki shóbere súıip otyr. Qazir aýylda uly Jeksenǵalı, qyzy Qalımamen birge turady. Áli tyń. Gazet oqıdy, tipti ıne sabaqtaıdy. Áńgimeshil. Bos sóz emes, durys áńgime aıtady. – Baqytqa jetý úshin adamǵa kóp eshteńeniń keregi joq. Tek armanynan aınymasa boldy. Bir baıqaıtynym, qazirgi ur­paq­ta tasqyndyq kóp. Ysy­rap kóp. Buryn­dary birneshe otbasy bir das­tar­hanǵa sııatyn-dy. Qazir bir otbasy bir úıge syı­maıdy. Bereke degen názik nárse. Soǵan muqııat bolyń­dar, aı­nalaıyndar! – deıdi Rahıma áje. Baýyrjan ShIRMEDINULY Batys Qazaqstan oblysy, Syrym aýdany