It-mysyqty jappaı órtegen kim?

Aqtaý qalasynyń irgesindegi О́mirzaq aýylyna barar joldyń teńiz jaq betinen órtengen ıtter men mysyqtardyń ólekseleri tabylǵan. Kók tútinnen kúdiktenip, bir habaryn bilmek bolyp kelip, órt qushaǵyndaǵy ólekselerdiń ústinen túsken turǵyn alaýy áli basylmaǵan órttiń ishinde janyp jatqan ondaǵan ıt pen mysyq bar ekenin ańǵarǵan. Qolqany qapqan ashy ıis mańaıǵa taraǵan jantúrshigerlik oqıǵany mańǵystaýlyqtar janashyrlyqpen qabyldady. Aqtaý qalalyq veterınarııalyq qyzmettiń basshysy bolsa, oqıǵadan habarsyz ekendigin jetkizdi. Aıtýynsha, osy aptada qańǵybas janýarlardy atý sharasy Aqtaýdyń óz ishinde ǵana júrgizilip, atalǵan aýdanda júrgizilmegen. Aqtaýdan shyqqan ólekseler Munaıly aýdanyndaǵy arnaıy orynǵa – ólekse órteıtin peshke tasymaldanǵan. О́ńirde qańǵybas janýarlardy joıý máselesimen aınalysatyn uıymdar barshylyq eken. Al qalanyń shetin, turǵyndar demalatyn oryndy kók tútinge orap, jaǵymsyz ıispen tunshyqtyra janýarlardy órtegen kimder boldy eken?! Gúlaıym ShYNTEMIRQYZY, «Egemen Qazaqstan» Mańǵystaý oblysy