Atyraýdyń alaýyn Almatyǵa jetkizedi

Atyraý oblysyn aralap ótetin Ýnıversıada alaýyn Almatyǵa jetkizý boksshy stýdent Nazym Ishanovaǵa tapsyryldy. Onyń mundaı mıssııa atqarýy kóp tolǵaýdan soń tańdap alyndy. Elimizdiń sportsúıer qaýy­myna Nazymnyń esimi jaq­sy tanys. Ol Vetnamda ótken áıel­der arasyndaǵy Azııa chem­pıo­natynda qola júlde­ger atanǵan. Buǵan qosa, Qazaq­stan­nyń tórt dúrkin chempıony, halyqaralyq jarystardyń jeńimpazy. Atyraý oblysynda alaý es­ta­fetasy 27 qańtar kúni óte­tin bolyp belgilengen. Ol eki saty­dan turady. Alaý­ger­ler­diń birinshi toby Atyraý mem­lekettik munaı jáne gaz ýnı­ver­sıtetinen Mahambet atyn­daǵy drama teatryna deıin jú­rip ótse, ekinshi top drama teat­­ry­nan H.Dosmuhamedov atyn­­daǵy Atyraý memlekettik ýnı­ver­sı­tetine deıingi baǵytta barady. Ýnıversıada alaýyn alyp júre­tinder qatarynda ob­lys­tyń burynǵy jáne qazirgi tany­mal sportshylary, oqý ozat­tary, úzdik stýdentter jáne qoǵam belsendileri bar. Olar H.Dosmuhamedov atyn­daǵy Atyraý memlekettik ýnı­versı­te­ti­niń aldynda alaýdy Nazym Isha­no­vaǵa tabys etetin bolady. Ony qabyldap alǵan Nazym 29 qańtarda Almatyda ótetin Dú­nıe­júzilik qysqy Ýnıversıadanyń ashylýyna Atyraý oblysynyń atynan qa­tysady. Sóıtip, ár oblystan tańdalǵan 16 alaý kóterýshi ýnıversıada tórinde alaýdy bir tostaǵanda biriktiredi. Ýnıversıada alaýy Qazaq­stan­nyń 22 myń shaqyrymdyq aty­rabyn kókteı ótedi. Onyń 200 shaqy­rymynda alaýdy adamdar alyp júrip ótedi dep josparlanyp otyr. Joldasbek ShО́PEǴUL, «Egemen Qazaqstan» ATYRAÝ