Atletter aýyly

Almatyda 29 qańtar men 8 aqpan aralyǵynda ótetin XXVIII qysqy Ýnıver­sıa­danyń  5 myń kórermenge arnalǵan Atletıkalyq aýyly paıda bolǵaly da birshama ýaqyt ótti. Ol Alataý aýdanynda Baýyrjan Momyshuly kóshesiniń boıyn­da, Raıymbek dańǵylynyń soltústik jaǵynda ornalasqan. Osyndaǵy Muz sara­ıy­nyń janynda qanat jaıǵan onyń jalpy jer kólemi 21,5 gektardy quraıdy. Atletter aýyly 5 myń adamdy qonystan­dyrýǵa laıyqtaǵan. Turǵyn bóliktiń jalpy kólemi shamamen 125 myń sharshy metrdi, 1748 páterdi quraıdy. Onyń qurylysyn qazaqstandyq «ElıtStroı» kompanııasy júrgizgen. Mundaǵy otandastar qamtylýy 60 paıyzdyq úleske teń. Qurylys júrgizýdi aıaqtaý tamyz aıynyń sońyna belgilengen. Biraq qurylysshylar ony 2 aı merzim buryn aıaqtap shyqty. Turǵyn úı kesheni U (Universiade) aǵylshyn árpimen ornalasqan 14 ǵımarattan jáne qyzmet kórsetetin 3 bloktan turady. Sáýlet jospary boıynsha barlyq nysandar jartasqa salynǵan sýretterdegi kún adamynyń beınesin beıneleıdi. 14 qabatty turǵyn úı ǵımarattarynyń ortasynda «Pıra­mıda» dep atalatyn operasııalyq blok orna­lasqan. Onda Ýnıversıada kezinde FISU uıym­dastyrýshylarynyń keńsesi, 1000 adam­ǵa qyzmet kórsetýge eseptelgen ashana jáne demalys orny jaılasatyn bolady, ınter­bel­sendi tehnologııalardy qoldaný arq­y­ly dás­túrli mýzykalyq aspaptar mura­jaıy uıym­dastyrylady. Tamaqtandyrý blogy táýligine shamamen 20 saǵat boıy jumys isteıdi. Dál osy «Pıramıda» jańadan kelgen sportshylar men delegasııalar músheleriniń túsetin ornyna aınalady. Qatysýshylar kerekti baǵyttaryn ońaı tabý úshin ǵıma­rattyń kireberisinde «Kompas» atty álemniń geografııalyq baǵyttaryn kórsetetin tas ornatylady. Akkredıtteýden ótkennen keıin sportshylar kúndelikti turýǵa qajetti bar­lyq jaǵdaılary jasalǵan turǵyn úı korpýstaryna qonys tebedi. Bólmeler kir jýý mashınalary men teledıdardan bastap, shash keptiretin fenge deıin tolyq jabdyqtalǵan. Keshenniń ortalyǵynda «Kezdesý alańy» – «Welcome» atty sport alańy bar. Ortalyq alańnyń jan-jaǵynda qyzmet kórsetý bloktary qanat jaıǵan. Onda oıyndar barysynda Atletıkalyq aýyl ákimdigi, ǵıbadat bólmeleri, dúkender, sulýlyq salondary jaıǵasady. Qonaqtarǵa qyzmet kórsetýge arnalǵan ákimshilik-sharýashylyq jáne basqa da úı-jaılardyń jalpy kólemi 27,5 myń sharshy metrdi quraıdy. Atletıkalyq aýyldy josparlaýda qonystanýshylar úshin barynsha jaılylyq pen qolaılylyq qarastyrylǵan. Mysaly, turǵyn úı korpýstary ortalyq alańnan tur­mystyq bloktarmen qorshalǵan, ǵımarat­tardyń ózderi alańǵa aldyńǵy jaǵymen qaraıdy. Sol sebepti «Welcome» alańyndaǵy merekelik aksııalar men shoý sportshylardyń demalýyna kedergi keltirmeıdi. Sportshylar, tóreshiler jáne delegasııalar músheleri Ýnıversıada nysandaryna arnaıy avtobýstarmen jetkiziledi. Keshen ÚAOAJ (Úlken Almatylyq oramdy avtojol) soltústik-shyǵys bóligine shyǵý múmkindigi bar, úlken trassalar qıy­lysyndaǵy qolaıly ornalasý ornyna ıe. Bul qatysýshylardy jarys oryndaryna jyldam jáne jaıly jetkizýge múmkindik beredi. Atletıkalyq aýyldy Dúnıejúzilik stýdenttik oıyndardan keıin paıdalaný asa mańyzdy másele bolyp tabylady. «Ýnı­versıada murasy» taqyryby jobalaý jáne qurylys salý satysynda-aq pysyqtalǵan bolatyn. Sol úshin sporttyq qurylymdar dıreksııasy arnaıy qurylyp, jumys jasaýda. Atalǵan másele tabys­ty túrde sheshimin tapty. Shyn máninde, Atle­tıkalyq aýyl birtutas qalalyq turǵyn­dyq shaǵyn aýdannan turady. Jospar boıynsha, «Ýnı­ver­sıada murasy» baǵdarlamasynyń sheńberinde Atletıkalyq aýyl aýmaǵynda myna nysandar ornalastyrylady: * Polısııa bekinis pýnkti; * Alataý aýdanynyń HQO; * Olımpıadalyq daıyndyq ortalyǵy; * Bı stýdııasy, shahmat, teatr jáne foto stýdııasynyń fýnksııalarynan, ınter belsendi klýbtan turatyn, balalar men jastarǵa arnalǵan demalys ortalyǵy; * «BankSentrKredıt» bólimi; * «Open Clinic» klınıkasy; * «Almaty sport city» fıtnes-ortalyǵy; * «Best store» sýpermarketi; * «Qazposhta» bólimi; * Turmystyq zattar úıi; *«Dıskont» formatyndaǵy atlet-ortalyq. Atletıkalyq aýyldy paıdalanýǵa bergennen keıin, Almaty qalasynyń Alataý aýdanynda ózindik ınfraqurylymy bar jańa turǵyn shaǵyn aýdan paıda bolady. О́z kezeginde, aýyldyń qolaıly ornalasýy jáne 12 myń kórermenge arnalǵan Muz saraıynyń, «Alataý» kıno-konserttik zalynyń qasynda ornalasýy qalanyń basqa aýdandarynyń turǵyndary men qazaqstandyq megapolıs qonaqtaryn osy jerge tartatyn bolady. Talǵat RAIYMBEK, «Egemen Qazaqstan»