Sabaqtastyq soqpaǵy

Bosaǵadan engen Jańa jylmen birge elimiz Birikken Ulttar Uıymy Qaýipsizdik Keńesiniń turaqty emes múshesi retindegi jumysyn bastady. Qazaqstannyń halyqaralyq deńgeıdegi saıası mıssııasy búginde ábden aıqyndalǵan, sondaı-aq álemdik qoǵamdastyqtyń kóńilinen shyǵyp otyrǵany belgili. Munyń bastaýyn biz sonaý Táýelsizdiktiń alǵashqy jyldary El­ba­synyń batyl qabyldaǵan sheshim­derinen kóremiz. Árıne, bul jahandy titiretken Keńes odaǵy qulaǵannan keıingi jańa memlekettiń qýatty ıadrolyq arsenaldan bas tartýy men Semeı synaq polıgonyn túbegeıli jabýy týraly tolǵaqty sheshimi bolatyn. Bıylǵy elimizge júktelgen abyroıly mindet osy sabaqtastyqtan tamyr tartady. О́ıtkeni, osy oqıǵadan beri biz jahan jurtyn ıadrolyq qarýdan bas tartýǵa shaqyryp kelemiz. Onyń naqty ári nátıjeli qadamdary jasaldy. Atom qýatyn ǵylymı jáne beıbit maqsatta paıdalaný, álemniń basqa elderindegi ıadrolyq polıgon oshaqtaryn jabý, ıadrolyq qarýǵa qarsy is-qımyl kúnin bekitý sekildi jáne basqa da saıası mámilegerlik jobalardyń bas­tamashysyna aınaldyq. Sonymen birge, Qazaq eliniń BUU sııaqty álemdik uıymdaǵy óte zor jaýapkershilikti arqalaýy men elimizdiń atalǵan uıymǵa músheligine 25 jyl tolýynyń qatar kelýi de kezdeısoqtyq emes. Bul Qazaqstannyń shırek ǵasyrda Memleket basshysy Nursultan Nazarbaevtyń kóshbasshylyǵymen ishki jáne syrtqy saıasatta qol jetkizgen tıimdi jetistikteriniń baǵasy ispettes áser qaldyrady. Elbasynyń Birikken Ulttar Uıy­my­nyń Qaýipsizdik Keńesine jol­daǵan Saıası úndeýi Qazaqstan­nyń tujyrymdamalyq kózqarasyn taǵy da aıshyqtaı tústi. Bul Ún­deý­de Elbasy elimizdiń BUU Qaýip­sizdik Keńesi turaqty emes múshesi retindegi ókilettilikteriniń basta­lýyna oraı qaýipsiz, ádil jáne ór­kendegen álem qurý úshin jahan­dyq áriptestikti kúsheıtýge kúsh salatynyn jetkize kelip, naqty is-qımyl baǵyttaryn júzege asy­rýǵa umtylatynyn atap kórsetip otyr. Máselen, joǵaryda aıtqa­ny­myzdaı, Qazaqstan Jer planetasynda ıadrolyq joıqyn qarý­dan bas tartqan alǵashqy el retin­de atalǵan qarýdy taratpaý týraly ustanymyn bekemdeı túspek. Bul rette Iran men Koreı túbegi elderiniń ıadrolyq baǵdarlamalary boıynsha jáne álemniń otty oshaqtaryndaǵy qaqtyǵystardy  toqtatý boıynsha naqty jumystar júrgiziletin bola­dy. Sondaı-aq, Ortalyq Azııadaǵy beıbitshilikti nyǵaıtýǵa, Aýǵan­stan­daǵy jaǵdaıdy ońaltýǵa atsalysyp, terrorızm men ekstremızmge qarsy kúres sııaqty óte ózekti maqsat-mindetterdi júzege asyrmaq. Eń bastysy, bıyl elimizde búkil álem kóz tigip otyrǵan EKSPO kórmesi ótedi. Bul Qazaqstannyń álemge damý turaqtylyǵyn qalyp­tastyrý baǵytyndaǵy naqty is-áre­ketiniń bir kórinisi bolmaq. Mine, Qazaq eli ǵasyrlar boıy qalyp­tasqan dástúr-salty men ulttyq bolmysy syndy HHI ǵasyr­daǵy jańa maqsat-murattaryn da izgilikpen ushtastyryp otyr. О́ıt­keni, turaqtylyq – qaı ýaqytta da damý kepili. Aıta ketken abzal, S.Amanjolov atyndaǵy Shyǵys Qazaqstan memle­kettik ýnıversıtetiniń oqy­týshy-professorlar quramy men stýdentter qaýymy elimizdiń jańa saıası maqsat-mindetterin ár­daıym sergektikpen qabyl alyp, túrli is-sharalardyń arqaýy etip keledi. Bul rette ýnıversıtet janyndaǵy Nazarbaevtaný orta­lyǵynda alqaly basqosýlar, keleli májilister men ǵylymı-tá­ji­rıbelik konferensııa­lar, taqy­ryptyq semınarlar men dáris­ter jıi ótkizilip turady. Álibek QÝANDYQOV, S.Amanjolov atyndaǵy Shyǵys Qazaqstan memlekettik ýnıversıtetiniń rektory, ekonomıka ǵylymdarynyń doktory