Bul týraly RIA Novostı basylymyna Qyrǵyzstannyń Tótenshe jaǵdaılar mınıstrliginiń daǵdarys jaǵdaıynda basqarý ortalyǵynyń basshysy Mýhammed Svarov habarlady. Qazirgi ýaqytta áýe apatyna ushyraǵan ushaqtyń Turkish Airlines kompanııasyna tıesili ekeni belgili. "Gonkongtan kele jatqan túrkııalyq kompanııanyń júk tasymaldaýshy ushaǵy Qyrǵyzstan astanasyndaǵy "Manas" áýejaıynda aýa raıynyń qolaısyzdyǵynan apatqa ushyrady. Ushaq qulaǵan jerde ornalasqan eki úı órtenip jatyr", - dedi Svarov. Ol úılerde adamdar boldy ma, joq pa - ázirshe belgisiz.
Qazir oqıǵa ornynda tótenshe jaǵdaılar qyzmeti tolyqtaı jumys istep jatyr. "Ushaq batystan shyǵysqa qaraı qonbaqshy boldy, alaıda belgisiz sebepterge baılanysty ushqa onda qona almaı, sol aýmaqta qaıta aınaldy. Ushaq qulaǵan kezde áýejaı aýmaǵynda qolaısyz aýa raıy baıqalǵan", - dedi qutqarý vedomstvosynyń ókili. Sondaı-aq, áýejaı ókili "Manastyń" ádettegi tártipte jumys istep jatqanyn aıtty. Eske sala keteıik, osyǵan deıin Bishkek áýejaıynda ushaqtyń apatqa ushyraǵany habarlanǵan bolatyn.
