Nıjat Rahımov álemniń úzdik aýyr atleti ataǵyna usynyldy

Qazaqstandyq Nıjat Rahımov 2016 jylǵy álemniń úzdik aýyr atleti ataǵyna usynyldy. Bul týraly vesti.kz habarlady. Halyqaralyq aýyr atletıka federasııasy (IWF) tabystaıtyn syılyqqa jeti ziltemirshi úmitker atanyp otyr. О́tken jazda onyń bári Rıo Olımpıadasynda top jarǵan. Olar: kolýmbııalyq Oskar Fıgeroa (62 kg deıin), qytaılyq Lýn Sınsıýan (56 kg deıin), ırandyq Kıran Rostamı (85 kg deıin), ózbekstandyq Rýslan Nýrýtdınov (105 kg deıin) jáne grýzııalyq Lasha Talahadze (105 kg joǵary). Daýys berý atalǵan federasııanyń resmı saıtynda 31 qańtarǵa deıin júrgiziledi. Olımpıadada 77 kılo salmaqta Nıjat Rahımov julqa kóterýden álemdik rekord ornatqan. Eki jattyǵýdyń qorytyndysynda ol 379 kılony (165+214) kóterdi. Aıta keteıik, 23 jastaǵy sportshy Baký qalasynda týǵan. 2013 jyldyń jazyna deıin Ázerbaıjan quramasynda ziltemir kótergen. Alaıda, dopıng daýyna baılanysty eki jyldyq dıskvalıfıkasııa alyp, óz quramasynan ketýge májbúr boldy. Al 2014 jyldyń tamyz aıynda Qazaqstan azamattyǵyn alyp, 2015 jyldan bastap jarystarǵa qatysa bastady. Dál osy jyly álem chempıony atanyp úlgerdi. О́ńirlik deńgeıde Atyraý oblysynyń atynan qatysady.