Golovkın: Djeıkobs orta salmaqtaǵy úzdikterdiń biri

Qazaqstandyq boksshy Gennadıı Golovkın (36-0, 33 KO) Dennıel Djeıkobspen ótetin jekpe-jegi týraly óz oıymen bólisti. Bul týraly vesti.kz habarlady. Ol óziniń qarsylasyn orta salmaqtaǵy chempıon dep atap, onyń kúshi men jyldamdyǵyna da asa mán berý kerektigin aıtty. «Bári úlken nokaýtty kútip júr. Boks bolǵandyqtan men úlken dramalyq shoýdy unatamyn. Djeıkobstyń chempıon jáne orta salmaqtaǵy úzdikterdiń biri ekenin jaqsy bilemin. Onyń tájirıbesi de mol. Al jyldamdyǵy men kúshi óz aldyna bólek áńgime», – dedi Golovkın. Buǵan deıin Djeıkobs qazaqstandyq sportshydan jasqanbaıtynyn aıtyp, jeńiske jetý úshin qolynan kelgenniń bárin jasaıtynyn, sondaı-aq barlyq belbeýin tartyp alýǵa qaýqarly ekenin málimdedi. Aıta keteıik, qos boksshynyń arasyndaǵy jekpe-jek 18 naýryz kúni Nıý-Iork qalasyndaǵy Madison Square Garden arenasynda ótedi.