Lara Golovkındi jeńe alady - Taısonnyń bapkeri

Maık Taıson men Evander Holıfıldtiń bapkeri ári amerıkalyq maman Ronnı Shılds WBA (Super), IBO, WBC jáne IBF nusqalary boıynsha álem chempıony Gennadıı Golovkındi jeńe alatyn eki boksshynyń esimin atady, - dep habarlaıdy Vesti.kz. Rasynda da eki boksshy alǵashqy orta salmaqta óner kórsetedi. Olardyń birinshisi - WBA/IBO nusqalary boıynsha eks-chempıon kýbalyq Erıslandı Lara (24-2-2, 14 KO) men IBF belbeýiniń ıesi amerıkalyq Djermall Charlo (25-0, 19 KO). Olar osyǵan deıin 2017 jyly orta salmaqqa kóshý týraly talqylaǵan bolatyn. Sondaı-aq, Erıslandı Lara men Djermall Charlo Golovkınmen kezdeskisi keletinderin aıtqan. "Menińshe, ekeýiniń de jeńiske jetýge múmkindigi zor. Lara qashyqtyqta judyryqtasý arqyly qıyndyqtar týǵyzýy múmkin. Al Charlo kúshti djebimen jáne kúshimen Golovkındi jeńe alady. Olardyń judyryqtasý máneri ártúrli, biraq jeńiske jetýge múmkindigi bar", - deıdi bapker. "Golovkın - uly boksshy, Onyń ulylyǵyn eshkim de tartyp ala almaıdy. Biraq Lara jekpe-jekterdegi múmkindikterin myqty boksshylarmen tekseretin jigitterdiń biri. Lara Golovkınniń 160 fýntta judyryqtasatyn myqty boksshy ekenin biledi, sondyqtan Lara Golovkınmen judyryqtasqysy kelip otyr", - dedi Ronnı Shılds On The Ropes Boxing Radio basylymyna bergen suhbatynda.