Ishki naryqta bólshek saýda aınalymy ulǵaıdy

Bólshek saýda kólemi 2016 jylǵy qańtar-jeltoqsanda 7661,8 mlrd. teńgeni nemese 2015 jyldyń tıisti kezeńiniń deńgeıine 100,9%-dy qurady, dep habarlaıdy Statıstıka komıteti. Sáıkes kezeńde saýda kásiporyndary arqyly taýarlardy ótkizý kólemi 4120,4 mlrd. teńgeni nemese ótken jyldyń tıisti kezeńiniń deńgeıine 103,4%-dy qurady. Sonymen qatar, iri segment kásiporyndary boıynsha (jumyskerler sany 50-den joǵary) bólshek saýdanyń naqty kólem ındeksi 2015 jylǵy qańtar-jeltoqsanmen salystyrǵanda 97,9%-dy qurady. Dara kásipkerlerdiń, sonyń ishinde bazarlarda saýdamen aınalysatyndardyń bólshek saýda kólemi jalpy kólemniń 46,2%-yn alady, ótken jylǵy qańtar-jeltoqsanmen salystyrǵanda olardyń kólemi 1,9%-ǵa tómendedi. Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 64,3%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 1,4%-ǵa tómendep, azyq-túlik taýarlary 6,2%-ǵa ósti. 2017 jylǵy 1 qańtarǵa bólshek saýdadaǵy saýda kásiporyndary (esepti tapsyrǵan kásiporyndar boıynsha) taýarlyq qorlarynyń kólemi 387,1 mlrd. teńgeni, saýdadaǵy kúnderi 46 kúndi qurady. 2016 jylǵy qańtar-jeltoqsanda respýblıkadaǵy bólshek saýdanyń jalpy kólemindegi edáýir joǵary úles salmaq Almaty qalasyna (28,3%), Astana qalasyna (10,9%), Shyǵys Qazaqstan (9,4%) jáne Qaraǵandy oblystaryna (9%) keledi.