Májilistegi mereke

«Naýryz meıramy» halqymyzdyń asyǵa kúter erekshe bir merekesine aınaldy. Birlik pen yntymaqqa bastaıtyn aıtýly merekeni qazir jer-jerde toılaý bastalyp ketti. Sondaı sharanyń biri keshe Parlament Májilisinde ótti. Byltyrdan bastap Par­­lament tarapynan Áz Naý­ryzdyń úsh kún demalys kú­ni bolyp belgilenýin qamtamasyz etetin norma qabyldanyp, bul shara aıtýly merekeniń ajaryn asha tústi. Al Májilis foıesindegi Áz Naýryz meı­ra­myn atap ótý de ózindik jarasymyn tapty. Úlken foıe ár túrli sharalarmen kómkerilip, lentalarmen bezendirilipti. Oń jaq betinde ulttyq úlgidegi eki jartylaı kıiz úıdiń maketi kórinedi. Ondaǵy dóń­gelek ústeldiń ústine qa­zaqtyń ulttyq taǵamdary men sary qymyzy qoı­yl­ǵan. Maldas quryp otyrý úshin jumsaq kórpeler tóselgen. Kıiz úı merekelik belgilermen jáne ulttyq naqyshtarmen ádemi bezendirilipti. Foıege jı­nal­ǵan toptyń arasynda qa­zaq­tyń ulttyq kıimin kıingender de jeterlik. Biz solardyń arasynan depýtattar Zaǵıpa Balıeva, Svet­­lana Ferho men Natalıa Gellertti kózimiz sha­lyp qaldy. Mine, osyndaı jarasymyn tapqan top­tyń aldyna shyqqan palata Tóraǵasy Oral Muha­medjanov qysqasha sóz sóılep, kópshilik qaýymǵa óziniń izgi tilegin jetkizdi. – Egemendi elimiz taǵy da bir kezekti Naýryz merekesin toılap otyr. Bul meıramnyń maǵynasyn, má­­nin, dárejesi men ta­rıhyn endi bilip kele jatyrmyz. О́ıtkeni, kóp jyldar boıy bul bizdiń elde toılanbaı, Táýel­sizdikke qol jetkeli ǵana osy múmkindikke shyn má­ninde ıe boldyq, – dedi spı­ker. – Kún men tún te­ńelip, Jer-ana alty aı qys­tan shyǵyp, muz qur­saýdan bosanyp, jańaryp túleı bastaıdy. Olaı bolsa, ardaqty aǵaıyn, Áz Naý­­ryz qutty bolsyn, aq mol bolsyn! Budan keıin merekelik shara án men kúıge, myń buralǵan bıge ulasty. «Gúl­der-aı» folklorlyq bıshiler tobynyń qyz­da­ry «Shattyq» bıin bılese, Prezıdent orkestriniń án­shisi Nurbolat Qusaıynov óz arnaýyn dombyramen quıqyljyta jetkizdi. So­ny­men qatar, halyqara­lyq baı­qaýlardyń júlde­ge­ri Sáýle Jeldibaeva, «Naýryz» fol­klor­lyq toby, Á.Qashaýbaev baı­qaýynyń júldegeri Gúl­mıra Sarına, «Jas qanat» án baı­qaýy­nyń laýreaty Merýert Ábdimo­myn óz ónerlerin ortaǵa saldy. Asqar TURAPBAIULY.