Qorjynynda talaı qazynasy bar Bolat Omarálıev elimizdegi eń baıyrǵy fototilshilerdiń biri. Sonaý 1980 jyly «Egemen Qazaqstan» arnaıy fotobaıqaý ótkizgen kezde, ol kisiniń birinshi oryn alǵanyn kópshilik umytsa da, gazet shejiresi umytpasy anyq. Odan keıin de «Kazahstanskaıa pravda», «Qazaq ádebıeti» sııaqty basylymdardyń baıqaýynda top jarǵan qaǵylez fotograf Reseı, Polsha, Ýkraına elderinde fotokórmesin ótkizgen.
Endeshe bul joly fotograftyń tabıǵattyń tosyn qubylystaryna qurylǵan bir ǵana sýretine toqtalmaqpyz. Bul fotoǵa «О́rt qaldyrǵan óner» degen taqyryp qoıdyq. Eger Omarálıevtiń tek qana «Tabıǵattyń ózi músinshi» degen qas qaǵymdyq jumystaryn jınastyrsaq, onyń ózi bir fotoserııaǵa aınalǵan bolar edi.
Bul sýret týraly fototilshiniń ózi bylaı deıdi: «Sonaý 1980 jyldary Qyzylorda oblysy Shıeli aýdanyndaǵy Mustafa Shoqaı aýylyna bardyq. Jabaıy qoıan, qyrǵaýyl fotoobektıvke iline me dep, yńǵaılanyp kele jatsam, alystan bıik adamnyń sulbasyn kórdim. Qashyqtan qaraǵanda qushaǵyn jazyp turǵan adam sııaqty. Júregim sý ete qaldy. Jaqyndap kelsem, áıdik qaraǵash. Quddy bılep turǵan qyz sekildi. Jan-jaǵyndaǵy jyńǵyl, sheńgelder túgel órtengen».
Shynynda da Omarálıevtiń shyǵarmashylyq muraǵatynan mundaı sýretterdiń bir parasy shyǵady. Mektepte júrgende-aq beıneleý ónerine qyzyqqan Bolat aǵamyz alǵash ret fotoapparatty 15 jasynda qolyna alady.
– 16 jasymda tuńǵysh fotoetıýdim oblystyq gazetke shyqty. Bul sol zamanda aıtarlyqtaı jetistik bolatyn. Ol kezde Almatyda Saılaý Pernebaev degen fototilshi boldy. Ol kisi bizdiń qazaqtan shyqqan tuńǵysh fotoetıýdshi. Soǵan eliktep júrsem de, oǵan uqsatpaı fotoetıýdtiń basqa túrin túsire bastadym. Sodan beri de jarty ǵasyr ómir ótipti. 48 jyl boıy Qyzylorda oblystyq «Syr boıy» degen gazette fototilshi bolyp jumys istedim. О́tken jyly zeınetke shyqtym, – deıdi shejireli áriptesimiz.
Aınash ESALI,
«Egemen Qazaqstan»
ALMATY
Qorjynynda talaı qazynasy bar Bolat Omarálıev elimizdegi eń baıyrǵy fototilshilerdiń biri. Sonaý 1980 jyly «Egemen Qazaqstan» arnaıy fotobaıqaý ótkizgen kezde, ol kisiniń birinshi oryn alǵanyn kópshilik umytsa da, gazet shejiresi umytpasy anyq. Odan keıin de «Kazahstanskaıa pravda», «Qazaq ádebıeti» sııaqty basylymdardyń baıqaýynda top jarǵan qaǵylez fotograf Reseı, Polsha, Ýkraına elderinde fotokórmesin ótkizgen.
Endeshe bul joly fotograftyń tabıǵattyń tosyn qubylystaryna qurylǵan bir ǵana sýretine toqtalmaqpyz. Bul fotoǵa «О́rt qaldyrǵan óner» degen taqyryp qoıdyq. Eger Omarálıevtiń tek qana «Tabıǵattyń ózi músinshi» degen qas qaǵymdyq jumystaryn jınastyrsaq, onyń ózi bir fotoserııaǵa aınalǵan bolar edi.
Bul sýret týraly fototilshiniń ózi bylaı deıdi: «Sonaý 1980 jyldary Qyzylorda oblysy Shıeli aýdanyndaǵy Mustafa Shoqaı aýylyna bardyq. Jabaıy qoıan, qyrǵaýyl fotoobektıvke iline me dep, yńǵaılanyp kele jatsam, alystan bıik adamnyń sulbasyn kórdim. Qashyqtan qaraǵanda qushaǵyn jazyp turǵan adam sııaqty. Júregim sý ete qaldy. Jaqyndap kelsem, áıdik qaraǵash. Quddy bılep turǵan qyz sekildi. Jan-jaǵyndaǵy jyńǵyl, sheńgelder túgel órtengen».
Shynynda da Omarálıevtiń shyǵarmashylyq muraǵatynan mundaı sýretterdiń bir parasy shyǵady. Mektepte júrgende-aq beıneleý ónerine qyzyqqan Bolat aǵamyz alǵash ret fotoapparatty 15 jasynda qolyna alady.
– 16 jasymda tuńǵysh fotoetıýdim oblystyq gazetke shyqty. Bul sol zamanda aıtarlyqtaı jetistik bolatyn. Ol kezde Almatyda Saılaý Pernebaev degen fototilshi boldy. Ol kisi bizdiń qazaqtan shyqqan tuńǵysh fotoetıýdshi. Soǵan eliktep júrsem de, oǵan uqsatpaı fotoetıýdtiń basqa túrin túsire bastadym. Sodan beri de jarty ǵasyr ómir ótipti. 48 jyl boıy Qyzylorda oblystyq «Syr boıy» degen gazette fototilshi bolyp jumys istedim. О́tken jyly zeınetke shyqtym, – deıdi shejireli áriptesimiz.
Aınash ESALI,
«Egemen Qazaqstan»
ALMATY
Sońǵy jańalyqtar
Qazaqstanda qaı baǵyttaǵy joldar jabyq?
Qazaqstan • Búgin, 09:40
22 aqpandaǵy valıýta baǵamy jarııalandy
Qarjy • Búgin, 09:15
Egemendikti nyǵaıtýdaǵy keshendi tásil
Ata zań • Keshe
Roza Rymbaeva el turǵyndaryn referendýmda daýys berýge shaqyrdy
Ata zań • Keshe
Ata zań • Keshe
Kúzet qyzmetin baqylaý komıtetiniń tóraǵasy taǵaıyndaldy
Taǵaıyndaý • Keshe
Azamattardyń 78%-dan astamy jańa Konstıtýsııany qoldaıdy
Ata zań • Keshe
Sot ákimdikke arnaıy ótinish jasady
Aımaqtar • Keshe
