Ýnıversıada alaýy Kerekýde jarqyraıdy

Pavlodar oblystyq dene tárbıesi jáne sport basqar­masynyń habarlaýynsha, Almatyda ótetin 28-shi Búkil­­álemdik qysqy Ýnıver­sıada­nyń alaýy bizdiń óńirde qańtardyń 26-sy kúni saǵat 10-da Sultanmahmut Toraıǵyrov atyndaǵy memlekettik ýnıversıtette jaǵylady. Al, alaýdy alyp júretinderdiń quramynda Rıo olımpıadasynyń qatysý­shysy Dáýlet Shabanbaı, Roman Valeev, paralımpıadashy Aleksandr Medvedev, shańǵy jarysynan 2016 jylǵy 6-qysqy respýblıkalyq ýnıversıadanyń jeńimpazy Zýra Qalıpenova, álem chempıonatynyń kúmis medal ıegeri Álııa Tólegenova, jeńil atlet Roksana Ospanova jáne sport ardagerleri Aman­geldi Aımaǵambetov, Orazaly Muhamedalınov, konkıshi Lıýd­mıla Prokasheva, shahmatshy Vıktor Koleev sekildi sportshylarymyz bar. Bıyl pavlodarlyq bıatlonshy qyz Arına Pantova Jasóspirimder Olımpıada oıyn­darynda qola medal jeńip aldy. Alaý jaǵý rásimi ótken soń sportshylar toby oblys or­talyǵyndaǵy Lomov, Sátbaev kósheleri arqyly júrip ótip, Ertis ózeniniń tómengi jaǵa­laýyna barady. Jaǵalaý boıymen júrip ótip, Estaı atyndaǵy mádenıet saraıyna keledi. Saraıda qysqy Ýnıversıada oıyndarynyń qurmetine merekelik konsert ótedi. Alaý kótergen sportshylar toby kelesi kezekte «Astana» muz saraıyna kelip, Ýnıversıadanyń gala-konsertine qatysady. Shara sońynda jaǵylǵan Alaý­dy shyny saýytqa ornatyp, Almatyǵa qaraı attana­dy. Bul kúngi sporttyq sharaǵa oblys ortalyǵyndaǵy oqý oryn­darynyń Ekibastuz ınje­nerlik-tehnıkalyq ınstıtýtynyń, Aqsýdyń Jaıaý Musa atyndaǵy kolled­ji­niń stýdentteri de qatysyp, qoldaý kórsetedi. Farıda Byqaı, «Egemen Qazaqstan» PAVLODAR