Armııashylar da qatysady

Qorǵanys mınıstrligine qarasty Armııashylardyń ortalyq sport klýbynyń (AOSK) toǵyz sportshysy Almatyda ótetin XXVIII qysqy Ýnıversıadada Qazaqstan qurama komandasynyń sapynda saıysqa túsedi. Áskerı qyzmetshiler bıatlonnan, shańǵy jarysynan jáne shaıbaly hokkeıden júldeli oryndar úshin baǵyn synaıdy. Qatysýshylar arasynda AOSK sport rotasynyń kelisimshart qyzmetindegi, sondaı-aq, merzimdi qyzmettegi áskerı qyzmetshiler bar. Búgingi kúni barlyq sportshylar aldaǵy Ýnıversıadaǵa josparly túrde daıarlyqqa kirisken. Sonymen, bıatlon boıynsha shtattyq komandanyń sportshylary Germanııadaǵy Álem kýbogynyń satylarynda saıysady, sodan keıin Italııadaǵy jarysqa qatysady. «О́z jerimizde saıysý – biz úshin úlken abyroı ári úlken jaýapkershilikti talap etedi. Aldaǵy jarystarda elimizdiń Kók týyn kókke kóterýmen birge, Qarýly Kúshterimizdiń týyn asqaqtatý da úlken qur­met!» – dep atap ótti AOSK bıatlonshysy Vasılıı Podkorytov. XXVIII qysqy Ýnıversıada Almaty qalasynda bıylǵy jyldyń 28 qańtarynda bas­talatynyn aıta ketken jón. Atalǵan jarys 50 jyldan beri álemdik sport arenasynda ha­lyqaralyq oqıǵalardyń mańyz­dylyǵy men ókilettiligi jaǵynan ekinshi orynda. Bul jolǵy saıys álemniń 57 elinen 3500-den astam sportshynyń basyn biriktirgeli tur. Dúbirli dodada sporttyń 12 túri, atap aıtqanda, bıatlon, taý shańǵysy jáne konkımen júgirý sporty, kıorlıng, shańǵy qossaıysy, shańǵy jarysy, tramplınnen shańǵymen sekirý, snoýbord, mánerlep syrǵanaý, frıs­taıl, shaıbaly hokkeı já­ne short-tr