Qysqy oıynnyń júldesinen qur qalmańyz!

Aldaǵy kúnderi Almatyda bastalatyn Ýnıversıadaǵa jurtshylyqty kóptep tartýdyń bir joly – utys oıyndary. Endeshe, jankúıerler jarystar bastalmaı jatyp-aq, kútpegen qýanyshtarǵa kenele bastady. Sonymen, ústimizdegi jyl­­­dyń 11 qańtaryna deıin Ýnı­versıada-2017 oıyndaryna satyp alynǵan bıletter arasynda ótkizilgen utys oıynnyń birinshi kezeńi aıaqtaldy. Endi baǵy janǵan 12 adam Ýnıversıada uıymdastyrýshylary men Qys­qy oıyndardyń resmı serik­testerinen baǵaly syılyq­tarǵa ıe bolady. Arnaıy utys oıynynyń birinshi kezeńinde utqan bılet­terdiń tizimi 2017 jyly Almatyda ótetin 28-shi Dúnıejúzilik qysqy ýnıversıadanyń resmı saıty men Facebook paraqshasynda jarııalandy. Uıymdastyrýshylardyń ha^­­­barlaýynsha, 2016 jyldyń 20 jeltoqsanynda bastalǵan júl­delerdiń utys oıyny eki kezeńde ótkiziledi. Ýnıversıada aıasyndaǵy sporttyq oqıǵalarǵa bılet satyp alǵan jasy 18-den asqan kez kelgen Qazaqstan azamaty utys oıynǵa qatysa alady. Utys oıyn satyp alynǵan bılettiń biregeı toǵyz tańbadan turatyn nómirine qarap ótkiziledi. Shaqyrý bıletteri jáne quny joq bıletter utys oıynǵa qatysa almaıdy. Al 2017 jyldyń 8 aqpanyna deıin satyp alynǵan bıletterdiń barlyǵy utys oıynnyń ekinshi kezeńine qatysady. Ekinshi ke­zeńde Sapporodaǵy Azııa oıyndaryna 2 saıahat, sondaı-aq, «Bazıs-A» korporasııasynyń usynyp otyrǵan sýper júldesi – «Almaly» turǵyn aýdanynda ornalasqan eki bólmeli páter utysqa salynady. «Almaly» turǵyn aýdany «Bazıs» qurylys kompanııasy salǵan Ýnıversıadanyń bas nysany – Almaty Arena muz saraıynyń qarsy jaǵynda ornalasqan. «Bazıs-A Korporasııasy» JShS basqarma tóraǵasy Pavel Belovıch «Almaty Arena muz saraıyn salyp jatqan kezdiń ózinde biz damyp jatqan aýdannyń áleýetin baıqap, Ýnıversıada bas nysanynyń qarsy jaǵynda jańa ári jaıly turǵyn aýdanyn salý jóninde sheshim qabyldadyq. Onyń ústine, halyqaralyq jarystarǵa bılet satyp alǵandar arasyndaǵy utys oıyn kezinde bas júlde retinde «Almalydaǵy» páterdi usyný aıryqsha mánge ıe bolady dep eseptedik», deıdi. Sondaı-aq, Ýnıversıada aıaqtalǵannan keıin almatylyqtar men «Almalynyń» turǵyndary Almaty Arena muz saraıynda hokkeı, mánerlep syrǵanaýmen qatar, júzý, kórkem gımnastıka, boks, kúres sekildi taǵy da basqa kóptegen sport túrlerimen shuǵyldana alatyn bolady. Ýnıversıada-2017 oıyndaryna bıletterdi almaty2017.kz, ticketon.kz, kassir.kz, fisutickets.com saıttarynda, sondaı-aq, Almaty jáne Astana qalala­rynyń kassalarynda satyp alýǵa bolady. Aınash ESALI, «Egemen Qazaqstan» ALMATY