«Hat qorjyn»

OQYRMAN ...alǵysyn jetkizedi О́tkel qalpyna keltirildi Oblys ákimi Erik Sultanov aýdanymyzǵa jumys saparmen kelgende Keńashy aýyldyq okrýgi turǵyndarymen kezdesken bolatyn. Sol joly aýdanǵa qatynaıtyn kúre joldyń boıyndaǵy ótkeldi qarǵyn sýdyń shaıyp ketýi saldarynan qatynaý úlken qıyndyq týdyryp otyrǵanyn aıtyp, járdem jasaýyn ótingen edik. Bıylǵy sý tasqyny kezinde qırap qalǵan sý ótkeli bir aıdyń ishinde qalpyna keltirilip, qýanyshymyzda shek bolmady. «Kókshetaý joldary» JShS eskirgen beton qubyrdy jańalap, irgetasy tehnıkalyq standarttarǵa saı bekitildi. Endi ol jerden aýyr kólikter de esh qaýip-qatersiz óte alady. Osy máseleni sheshýge aýdandaǵy kásiporyn basshylarynyń da tıgizgen qolǵabysyn aıta ketkim keledi. Seriktestikterdiń, sharýa qojalyqtarynyń basshylary men kásipkerler halyqtyń turmysyna qatysty áleýmettik máselelerdiń oıdaǵydaı sheshilýine óz úlesterin aıanbaı qosyp keledi. Jergilikti atqarýshy organmen etene jumys istep, ózekti máselelerdi jumyla sheshedi. Shalǵaıdaǵy eldi meken turǵyndaryna qatysty kúrmeýi qıyn máselege aıanbaı atsalysqan azamattarǵa alǵysymdy bildiremin. Áshim NURMAǴANBETOV, eńbek ardageri Soltústik Qazaqstan oblysy, Aqjar aýdany   ...renishin aıtady  Yńǵaısyzdyqtan arylsaq deımin Biz Jambyl oblysy, Merki aýdany, «Ańdas batyr» aýylynyń turǵyndarymyz. Bul jerde qyrǵyz ben qazaq eliniń ortasyn bólip turǵan Sypataı batyr atyndaǵy, eki jaǵy da eldi meken memlekettik keden beketi ornalasqan. «Keden beketi» biz jaqta ǵana emes, búkil Qazaqstannyń betke ustar mekemesi bolyp tabylady. Bul jerden alys-jaqyn shetel azamattary ótedi. Bizdegi kedennen shyǵa berseńiz – yǵy-jyǵy, eskirgen, jamaý-jamaý dúńgirshekter: bireýi saqtandyrý pýnkti, bireýi bálish pen shaı satady. Jazdyń kúni tazalyq saqtalmaıdy. Osy jaılardy aıtyp aýyl men aýdan ákimine qanshama ret bardyq, kórmestiń kebin kıip otyr. Basynda kedennen 200 metr qashyqtyqta turý kerek dep birsypyra dúńgirshekterdi kóshirýge árekettenip edi, «kókesi» barlar ortasyn oıyp turyp otyryp aldy. Al osy kedenge oblystaǵy myqty kelip edi, ádet boıynsha jergilikti ákimshiliktegiler bazardaǵylardy qýalap, ústelderin jınastyryp, tóńiregin sypyryp, dúńgirshekterge aq mata jaýyp shyǵaryp saldy. Kedennen ótip jatqan shetel azamattarynan uıalmaımyz, shen-shekpendilerden uıalamyz. Aıtarym – osy bir yńǵaısyzdyqtan arylar kún bar ma eken? Oralhan QALYMBAEVA, zeınetker Jambyl oblysy, Merki aýdany   ...batasyn beredi Ardagerler úıi ashyldy Sozaq aýdanynyń ortalyǵy Sholaqqorǵan aýylynda oblystyq máslıhat depýtaty, kásipker Maǵaýııa Turysbekovtiń demeýshiligimen salynǵan «Ardagerler úıi» ashyldy. «Ǵımarattyń ishinde ardagerler keleli máselelerdi talqylaıdy dep úmittenemin. Urpaqtar sabaqtastyǵy qashanda úzilmeýi kerek. Aldaǵy ýaqytta da qoldan kelgen kómegimdi aıamaımyn», – dedi eldiń batasyn alǵan azamat. Búginderi aýdanda 5048 ardager turady. Osy ýaqytqa deıin aýdandyq ardagerler keńesi basqa mekemeniń ǵımaratynda, jalǵyz tar bólmeni paıdalanyp kelgen. Bir bólme el aǵalarynyń keleli keńes quryp, eldik máseleni talqylaýǵa tarlyq etetin. Endi olarǵa arnalyp ishinde májilis zaly, mekendep orny jáne taǵy basqa da qajetti bólmelermen qamtylǵan 263 sharshy metr ǵımarat tabystaldy. Jalpy, isker ákim Maqsat Isaev tizginin ustaǵan Sozaq aýdanynda onyń uıytqy bolýymen júzege asqan ıgi tirlikter az emes. Erlan RAIYMQULOV Ońtústik Qazaqstan oblysy, Sozaq aýdany, Sholaqqorǵan aýyly   ...rızashylyq bildiredi Tarıhı ataýy qaıta oraldy Buryn keńestik kezeńde Bershúgir aýyly orys tilinde «Berchogýr» bolyp jazylyp kelgendikten, «ber» – «bir», «chogýr» – «shoǵyr» bolyp aýdarylyp, stansa ataýy bul óńir úshin mán-maǵynasy joq Birshoǵyr bolyp shyǵa kelgen edi. Buǵan bershúgirlikter narazylyq bildirdi, jınalystar ótkizip, osy óńirge belgili bir tulǵanyń atyn ıelengen Bershúgir degen tarıhı ataýdy qaıtarý kerek dep gazetterde maqalalar jarııalady, túrli quzyrly organdarǵa ádildik surap hat ta jazdy. Biraq, is aıaqsyz qala bergen. Degenmen, «Qazaqstan temir joly» ulttyq kompanııasy» AQ-tyń sol kezdegi basshysynyń atyna jazylǵan hat aqyry ıesin tapty dep oılaımyz. Olaı deıtinimiz, Qazaqstan Úkimeti janyndaǵy Respýblıkalyq onomastıkalyq komıssııa otyrysynda elimizdiń temir jol stansalarynyń ataýy qaralyp, toqsannan astam ataý jańartyldy. Onyń ishinde 87 ataýdy ózgertý týraly usynysty «Qazaqstan temir joly» ulttyq kompanııasy» AQ túsiripti. Temirjolshylar basshysy bergen usynystardyń biri – Bershúgir stansasy eken. Mine, halyqtyń tilegi qabyl alynyp, stansanyń tarıhı ataýy qaıta oraldy. Bershúgirlikter ózderiniń tilekterine qulaq asqan tıisti oryndarǵa dán rıza. Berdibaı KEMAL   Aqtóbe oblysy   ...usynys jasaıdy Telefonǵa telmirmegen jón Elimizde uıaly telefonǵa telmirgen jastardyń qatary artqany sonshalyq, buǵan tipti, eresekter de táýeldi bolyp barady. Ásirese, mektep oqýshylary men stýdentterdiń sabaqta sol bir qurylǵyǵa telmirip, muǵalimniń sabaǵyn tyńdamaıtyn jaıttar jıi kezdesedi. Emtıhanda suraqtyń jaýabyn telefonnan izdeý úırenshikti ádetke aınalǵan. Osydan kelip stýdentte qandaı bilim bolady? Telefonǵa telmirgen jastardy oqýǵa qalaı beıimdeý kerek? Qandaı sharalar tıimdi? Qazirgi tańda álemde jastardyń telefonǵa qumarlyǵy mańyzdy problemanyń biri bolyp otyr. Osyǵan oraı qytaı ǵalymdary qarsy shara qoldanýdy qolǵa alypty. Máselen, qytaı ýnıversıtetterinde barlyq aýdıtorııalarda beınebaqylaý qoıylǵan. Stýdentter basqa ýnıversıtetke málimetti hat túrinde aparýǵa májbúr. Eger sabaqta telefon paıdalanyp, tártip buzýshylyq bolǵan jaǵdaıda stýdenttiń jeke paraqshasyna engiziledi eken. Endi bir ýnıversıtettiń kitaphanasynda telefondy paıdalana almaıtyn apparattar qoıylǵan. Stýdentter oqý zalynan kireberiste gadjetteri men telefondaryn tastap ketedi. Osyndaı tájirıbeni bizdiń elimizde nege qoldanbasqa? Byltyrǵy jyly elimizde memlekettik keıbir mekemelerde uıaly telefon paıdalanýǵa tyıym salynǵan bolatyn. Mine, osy ádisti mektepter men JOO-da engizse. Aıman MUQYShEVA ASTANA