Balqashta eń dámdi nan pisiredi

«Balqash nan» kombınaty ujymy  túrli baıqaýlarda jeńisterge jetip,  únemi mereıi ústem bolyp keledi.  – Bizdiń kásiporyn Táýel­siz­digimizdiń 25 jyldyǵynda Elbasy qol qoıǵan «Qazaqstannyń úzdik taýary» nomınasııasy boıynsha I dárejeli dıplommen marapattaldy, bul óte aıtýly oqıǵa dep bilemiz. Sonymen birge, bul Balqash naý­baıhanashylarynyń eńbegine berilgen joǵary baǵa ári úlken jaýapkershilik, – deıdi «Balqash nan» kombınatyny dırektory Aıgúl Búrlenova. – Búgingi kúni bizdiń kásiporyn tek Balqashty ǵana emes, qalaǵa irgeles jatqan kentterdiń jáne Qaraǵandy, Almaty men Astana qalalarynyń tapsyrys­­taryn oryndaıdy. Bolashaqta kásip­oryn­nyń qýaty artpaq. Soǵan sáı­­­kes osy ónimdermen táýelsiz elimiz­­­diń ózge de óńirlerin qamtamasyz etý kózdelýde. Maqsatymyz – Balqash nany markasynyń tanymaldyǵy artyp, búkil Qazaqstanǵa belgili bolsa deımiz. Búgingi kúni kásiporyn 85-ten astam nan-toqash ónimderin óndiredi. Jańa tehnologııany paıdalana otyryp, zaýyt adam densaýlyǵyna paıdaly dıetalyq jáne joǵary sortty nan ónimderin shyǵarady. «Balqash nan» kombınaty áleý­mettik baǵdardaǵy kásiporyn retinde az qamtylǵan otbasy­laryna qoldaý kórsetedi. Qala kóleminde ótetin qaıyrymdy­lyq aksııalaryna udaıy qatysyp, Balqash qalasyndaǵy balalar úıin nan ónimderimen qam­tama­syz etedi. Kún saıyn muqtaj jan­­dar­ǵa arnalǵan dúken arqyly nan ónimi tegin beriledi. Zaýyttyń iske qosylǵanyna kóp bolmasa da, Balqash nan zaýyty­nyń jetistikteri az emes. О́tken jyly zaýyt ujymy Ortaazııa­lyq halyqaralyq «WorldFood Kazakhstan 2016» kórme aıasyndaǵy  jyldyń eń úzdik nan jáne kondıterlik ónimderi baıqaýynda «Jyl tańdaýy» degen joǵary marapatqa ıe bolǵan edi. Sondaı-aq, eki úshinshi oryndy ıelenip, «О́nimniń eń joǵary sapasy úshin» medalimen marapattalǵan bolatyn. Qaırat ÁBILDINOV, «Egemen Qazaqstan» Qaraǵandy oblysy, Balqash qalasy