Ýnıversıadanyń biryńǵaı anyqtamalyq baılanys-ortalyǵy iske qosylady

Baılanys-ortalyǵy barlyq uıaly baılanys operatorlarynyń abonentteri úshin biryńǵaı 7117 nómiri boıynsha jumys isteıtin bolady. Baılanys-ortalyǵy táýlik boıyna jumys rejiminde Ýnıversıadanyń qatysýshylary men qonaqtaryna barlyq qajetti anyqtamalyq aqparat beredi. Onyń ishine jarystar kestesi, sport obektileriniń ornalasqan jeri, bıletterdi satyp alý tásilderi jáne basqa da kóptegen habarlamalar kiredi. «Qazir kez kelgen buqaralyq sharany tabysty ótkizý sapaly telekommýnıkasııalyq qyzmetterdi qamtamasyz etýsiz elestetý múmkin emes. Telekommýnıkasııalar aýqymdy aýdıtorııaǵa habarlaý, aqparattarmen jedel almasý jáne shuǵyl máselelerdi sheshý úshin mańyzdy. Ýnıversıada kezinde uıaly baılanys operatorlar jelisine júkteme artatyny daýsyz – adamdar óz áserlerimen bólisedi, habarlamalar jiberedi jáne mobıldik ınternetti belsendi túrde paıdalanady. Bıznestiń daıyndyq jumystaryna qatysýy úlken mánge ıe jáne «Ksell» kompanııasymen áriptestik Ýnıversıada qatysýshylary men qonaqtaryn sapaly baılanyspen qamtamasyz etýge múmkindik beredi», - dedi «Almaty qalasyndaǵy 2017 jylǵy 28-shi Dúnıejúzilik qysqy Ýnıversıadany daıyndaý jáne ótkizý boıynsha dıreksııa» MQ  basshysy Naıl Nurov. Esterińizge sala ketsek, 28-shi Dúnıejúzilik qysqy Ýnıversıada Almaty qalasynda 29 qańtardan 8 aqpanǵa deıingi aralyqta ótedi. Oıyndarǵa 58 elden 2000 sportshylar qatysady. Bul kezeńde Qazaqstannyń ońtústik astanasyna 30 000 astam sheteldik qonaqtar men týrıster keledi dep kútilýde.