Maradona «Napolı» komandasynyń elshisi atanady

Dıego Maradona «Napolı» fýtbol klýbynyń elshisi jáne Neapol qalasynyń qurmetti azamaty atanady. Bul týraly TASS aqparat agenttigi habarlady. «Biz Maradonamen ótken senbi kúni birneshe saǵat áńgimelestik. Salyq jónindegi máselesi sheshilgennen keıin birden «Napolıdiń» álemdegi elshisi atanady», – dedi klýbtyń prezıdenti Aýrelıo De Laýrentıs. Buǵan deıin áıgili fýtbolshynyń klýbtaǵy bir qyzmetke keletini habarlanǵan. Sonymen, qatar, Neapoldiń qurmetti azamaty atanaty belgili boldy. Al 2016 jyldyń qazan aıynda Italııadaǵy salyǵyn tóleýden bas tartqany jóninde álemdik BAQ jarysa jazǵan bolatyn. Aldyn ala boljam boıynsha bul rásim mamyr aıynda «San-Paolo» stadıonynda ótedi. Atalmysh komandada 1984-1991 jyldary dop teýip, barlyǵy 259 matchta 115 goldyń avtory atanǵan. Sońǵy ret 2012 jyly «Al-Vasl» (BAÁ) klýbyn jattyqtyrǵan. Aıta keteıik, ol 1982 jyly álem chempıonatyna qatysyp, áıgili shabýylshy Peleniń murageri degen atqa ıe bolǵan. Ispanııada ótken dúbirli dodadan keıin «Barselona» komandasymen kelisimshartqa otyryp, eki jyl oınaǵan. Alaıda, Pıreneı túbeginde jaraqatyna baılanysty boıyndaǵy talanatyn tolyǵymen kórsete almady. Osydan keıin Italııanyń «Napolı» komandasynda aýysyp, mansabyndaǵy eń jaqsy jyldaryn ótkizdi. Argentınalyq oıynshy eki dúrkin A serııasynda chempıon atansa, bir retten Italııa Kýbogyn jáne ÝEFA kýbogyn jeńip alǵan. Al ulttyq quramasymen 1986 jyly álem chempıony atansa, 1990 jyly osy týrnırdiń fınalyna deıin jetken. 1997 jyly fýtbolshylyq ǵumyryn támamdady. Mansabynda 687 matchqa qatysyp, 363 goldyń avtory atandy. Al Argentına quramasynda 113 matchta 50 gol soqqan.