Aýylǵa túbegeıli ózgerister kerek

Keshe Qazaqstan prezıdenttiginen úmitker Mels Eleýsizov Ońtústik Qazaqstan oblysynda bolyp, halyqpen júzdesti. Maqtaaral aýdanynda bolǵan kezdesýler Shymkent qalasynda jalǵasyn tapty. Shymkent qalalyq ákimdigine qarasty Jastardy kásibı baǵdarlaý ortalyǵynda ótken kezdesýde Mels Hamzauly jınalǵandardy saılaý aldyndaǵy baǵdarlamasymen tanystyrdy. – Ádette, jurtshylyq meni tabı­ǵat­ty qorǵaýdan basqa eshteńe tol­ǵan­dyrmaıtyndaı kóredi. Olaı emes. Meniń saılaýaldy baǵdarlamamda ta­bı­ǵat máselesi eki-úsh aýyz sóılem­der­men shekteledi. Men negizinen res­pýb­lıkamyzdyń áleýmettik-ekonomı­ka­lyq jaǵdaıyn búgingisinen ári jaq­sar­tý jaıyn oılaımyn, – dedi prezıdenttikke kandıdat. Sózin osylaı sabaqtaǵan úmitker aldymen aýyldyń jaǵdaıyn kóterý, shaǵyn jáne orta kásipkerlikti nyǵaı­tý kerektigin aıtty. Qazir dúnıe jú­zin­de azyq-túlik tapshylyǵy qatty sezilýde. Biraz memleketter ashtyqqa uryn­dy. Al, jer asty baılyǵy orasan paıda ákelip jatqan Qazaqstan shıkizattan túsetin tabystarǵa maldana bermeýi kerek. El ekonomıkasyn kóterý, jumys­syzdyqty azaıtý, zeınetaqyny kóterý, ındýstrııalyq-ınnovasııalyq baǵyt­ta­ǵy baǵdarlamany jetildirý jóninde búgingi jasalyp jatqan jumystarǵa tilektes ekendigin jetkizgen úmitker Keńes Odaǵy kezinde jaqsy jolǵa qoı­ylǵan múgedekter máselesi búginderi syn kótermeıtindigin atap kórsetti. Jemqorlyq jegiqurtqa aınalyp keledi. Jemqorlyq jaılaǵan jerde zań da jumys jasamaıdy, dármensiz. Sýdıa­lar­dy halyq saılap qoıýy qajet. Áıtpese, olar kimniń qaltasy qalyń, soǵan jumys jasap kete beredi. Qazaqstan prezıdenttiginen úmit­ker óziniń úsh-tórt márte sottasqanda osyǵan kózi anyq jetkendigin qosty. Árıne, sońǵy sóz tabıǵat máse­le­sine oıysty, Maqtaaraldyń kúnkórisi – maqta. Biraq, kóp sý kerek etetin daqyl ýly hımıkat, tyńaıtqyshpen ósiriledi. Araldyń túbine jetken maqtany aýystyratyndaı daqyldardy izdestirýimiz kerek. Mels Hamzauly alqaptardy aralap kórgenin, tuzy betine shyqqan topyraqtyń irkindi sýdy sińire almaı tozyp bar jatqanyn aıtty. – Bul kezdesýlerde maǵan búırek buratyndardyń moldyǵy senimimdi nyǵaıtty, – dedi ol. – Halyqqa óz oıymdy búkpesiz aıtyp júrmin. Tańdaý ózderińde. Baqtııar TAIJAN. Ońtústik Qazaqstan oblysy.