Iýlııa Pýtınseva Australian Open týrnırin jeńispen bastady

Qazaqstannyń birinshi raketkasy Iýlııa Pýtınseva Mýlbýrn qalasynda ótip jatqan tennısten Avstralııa ashyq chempıonatyn (Australian Open) jeńispen bastady. Týrnır uıymdastyrýshylarynan 31-shi nómirdi alǵan Pýtınseva birinshi aınalymda ıspanııalyq Lara Arrýabarrena-Vesınomen kezdesti. Bas-aıaǵy 2 saǵat 47 mınýtqa sozylǵan match 7:6 (9:7), 7:6 (12:10) esebimen aıaqtaldy. Jarystyń kelesi aınalymynda ol qytaılyq Chjý Lındi eki sette 6:4, 6:0 esebimen utqan latvııalyq Elena Ostapenkoǵa qarsy kortqa shyǵady. Al taǵy bir qazaqstandyq tennısshi Mıhaıl Kýkýshkın týrnırdiń birinshi aınalymynda amerıkalyq Frensıs Tıafodan tórt sette 1:6, 7:6, 3:6, 2:6 esebimen jeńildi. Sonymen qatar, Iаroslava Shvedova men Galına Voskoboeva da qarsylastaryna ese jiberdi. Al Qazaqstan atynan shyqqan Aleksandr Býblık ońtústikkoreıalyq Daka Hı Lıdi úsh sette 4:6, 6:4, 6:4 esebimen utyp, ekinshi aınalymǵa ótti.