Atletıkalyq aýyl aýmaǵynda polısııa bólimi ashylady

20 qańtardan bastap Atletıkalyq aýyl aýmaǵynda 50 qyzmetkeri bar polısııa bólimi ashylady. 7,5 myńnan astam quqyq qorǵaý organdarynyń qyzmetkerleri men áskerı qyzmetkerler Almatyda ótetin Ýnıversıada-2017 kezinde qatysýshylar men qonaqtardyń qaýipsizdigin qamtamasyz etetin bolady. Bul týraly Úkimet otyrysynda ishki ister mınıstri Qalmuhanbet Qasymov aıtty. Mınıstrdiń aıtýynsha, onyń ishinde 150 kınolog pen jarylǵysh zattar boıynsha mamandar qamtamasyz etetin bolady. Tótenshe jaǵdaılarǵa jol bermeý maqsatynda órt qaýipsizdigi qyzmetiniń 600 qyzmetkeri, 63 tehnıka, 4 ushaq táýlik boıy qyzmet etedi. Stýdentter oıynynyń barlyq nysandarynda tekserý jabdyqtary júıeleri ornatylyp, testileýden ótkizildi. Jumysqa 96 arkalyq jáne 27 rentgendik-televızııalyq qondyrǵy, 2000 beınekamera ázirlendi. Onyń ishinde 182-si – Shuǵyl basqarý ortalyǵyna shyǵarylady. «Jalpy, Ýnıversıadany ótkizý kezinde qajetti quqyqtyq tártip qamtamasyz etiledi», - dedi vedomstvo basshysy. Esterińizge sala ketsek,  28-shi Búkilálemdik qysqy Ýnıversıada Almaty qalasynda 29 qańtar men 8 aqpan aralyǵynda ótedi.