Qazaqstandyqtar byltyr 42 mlrd teńge salyq tóledi

Salyqtyq túsimderdiń ulǵaıýy munaıly qalalarda, ıaǵnı Qyzylorda, Mańǵystaý jáne Atyraý oblystarynda baıqalady. Bul qalalardaǵy salyqtyq túsim tıisinshe 24%; 25% jáne 14%-ǵa kóbeıgen. Bul óńirlerdegi jeke tulǵalardyń tólegen salyǵy jalpy kólemniń 9 paıyzyn ǵana quraıdy, dep jazady ranking.kz. Ońtústik Qazaqstan oblysy salyq túsimderiniń ulǵaıý qarqyny boıynsha alǵashqy úshtikke kiredi. Bul óńirdegi tólengen salyq byltyrǵymen salystyrǵanda 19%-ǵa artyp, qańtar-qarasha aılarynda 3,2 mlrd teńgeni qurady. Almaty aglomerasııasy jobasy oblystyń damýyna erekshe qarqyn bergen. Bir jyl ishinde oblystyń salyqtyq túsimi 17% kóbeıip, 3,4 mlrd teńgege jetti. Al Almaty qalasyndaǵy ósim 8% ulǵaıyp, bir jyl ishinde tólengen salyq 10,9 mlrd teńgeni qurady. Almaty oblysy men qalasynda jeke tulǵalardyń tólegen salyǵy jalpy kólemniń 34% quraıdy. Menshik salyǵy kólemi boıynsha ekinshi orynda Astana qalasy (5,4 mlrd teńge). Elordanyń jyldyq ósimi 11%. 16 oblystyń ishinde tek Shyǵys Qazaqstan oblysy (-2%) ǵana mınýsqa ketken.