Bir kisideı qoldaýǵa shaqyrdy

«Kásipodaqtar men eńbekshiler Nursultan Nazarbaevty qoldaıdy!» uranymen forým ótti. Oǵan eldiń barlyq aımaǵynan ekonomıkanyń túrli baǵyttary men áleýmettik sala jumysshylary atynan 300 delegat qatysty. Olarǵa aldymen prezıdenttikten úmitker Nursultan Nazarbaevtyń eńbek jolyn kestelegen beıne-fılm kórsetildi. Onda kandıdattyń eldi ekonomıkalyq tyǵyryqtan shyǵaryp, halyqtar dostyǵyn nyǵaıtyp, memleketti ósý men órkendeý jolyna túsirgeni týraly shynaıy aqparattar berilgen. Budan keıin forýmdy ashqan Qazaqstan Kásipodaqtary fede­ra­sııasynyń tóraǵasy Sııazbek Muqashev N.Nazarbaevtyń ká­sip­odaq qozǵalysyn únemi qol­daı­tynyn atap ótti. Ol elimiz egemendik alǵaly beri álem memleketterimen ıyq teńestirýge um­ty­lyp, tutastyqty saqtap, irgeli el bolýymyz jolynda eń­bektenip keledi, dedi. Osynyń bári yntymaqtastyqtyń, sarabdal saıasattyń nátıjesi, sútteı uıyǵan el birliginiń arqasy. Mem­leketimizdiń 20 jyldyq ta­rıhynda Nursultan Nazarbaev otanynyń, halqynyń aldyn­da­ǵy qaryzy men paryzyn óteýdiń janqııarlyq úlgisin kórsetken birtýar azamat, uly kóshtiń bas­taý­shysy, tuǵyry bıik tulǵa. Kan­dıdattyń búgingi kúsh-ji­geri, derbes memleket quryp, ony basqarýdaǵy tájirıbesi jetkilikti. S.Muqashev odan ári Qazaq­stan eńbekshileri memleketti ári qaraı saıası, ekonomıkalyq jáne áleýmettik jańǵyrtý boıynsha Nursultan Ábishulynyń baǵdar­lamalyq maqsattaryn, onyń 2020 jylǵa deıingi kezeńge ar­nal­ǵan eldi damytýdyń stra­tegııalyq josparyn qoldaıdy, «Bolashaqtyń irgesin birge qalaımyz!» atty Qazaqstan hal­qyna Joldaýyn qýattaıdy, qup­taıdy, sonymen qatar, turǵyn úı, densaýlyq saqtaý, bilim berý, t.b. negizgi qundylyqtar eńbek ujymdary men kásipodaq qyz­metiniń ári qaraı damýynyń qa­ǵı­datty baǵyttary bolyp taby­lady, dedi. Forýmda ken-metallýrgııa, kó­mir ónerkásibi, bilim berý, densaýlyq saqtaý, temir jol, aýyl sharýashylyǵy, munaı-gaz, qysqasy, el ekonomıkasynyń barlyq salalarynyń ókilderi sóz sóıledi. Olar prezıdenttikke kandıdattyń áleýmettik memleket qurýǵa baǵyttalǵan eldi damytýdaǵy strategııasyn qol­daıtynyn bildirdi. Qazaqstan eńbekshileriniń forýmy respýblıka eńbekshilerine, kásiptik odaq múshelerine úndeý qabyl­dady. Sóıtip, forým kásip­odaq­tardyń barlyq múshelerin, el eńbekshilerin aldaǵy saılaýda Nursultan Nazarbaevtyń kandı­datýrasyn bir kisideı qoldaýǵa shaqyrdy. Aleksandr TASBOLATOV. Astana.