• 17 Qańtar, 2017

Almatydaǵy Nissan avtoortalyǵy satyldy

296 ret

kórsetildi

1 mın

oqý úshin

Egemen Qazaqstan

«Astana Motors» kompanııasynyń basshysy Nurlan Smaǵulov Almaty qalasyndaǵy Nissan avtoortalyǵyn satty. Bul týraly bıznesmen avtokólikter satylymyna qatysty bolǵan baspasóz konferensııasynda habarlady, dep jazady 7kun.kz.

2006 jyldyń 26 maýsymynda «Astana Motors» kompanııasynyń quramyna kiretin A-Motors Auto Nissan-nyń Reseıdegi ókilderimen dılerlik kelisim jasaǵan. Ocy sátten bastap A-Motors Auto Nissan konserniniń Qazaqstandaǵy resmı dıleri atandy.

Al 2016 jyly «Astana Motors» kompanııasynyń basshysy Nurlan Smaǵulov Almatydaǵy Súıinbaı dańǵylynda ornalasqan Nissan avtoortalyǵynyń satylǵanyn aıtty. «О́zderińiz baıqaǵandaı ótken jyly Astana Group kóp nárseni satty. Aqtóbe, Shymkent, Astanadaǵy Mega oıyn-saýyq ortalyǵy satyldy. Astana Motorsqa keler bolsaq, kompanııa Nissan avtoortalyǵyn satty. Sebebi bul markanyń úlesi bizdiń naryqta kóp bolǵan joq. Satýdan túsken aqshany dıler ortalyqtaryn damytýǵa jumsadyq», — dedi Nurlan Smaǵulov. Bıznesmen basqa avtoortalyqtardy satý máselesin qarastyrmaıtynyn atap ótti. «Qazir bizde bári jaqsy. Hyundai, Subaru, BMW, MINI, Rolls-Royce, Toyota, Lexus markaly avtoortalyqtary qaldy. Al mundaı brend ortalyqtaryn satý týraly josparymyz joq», — dedi ol. Qazaqstandaǵy avtobıznes qaýymdastyǵynyń málimetinshe, 2016 jyldyń qańtar-qarasha aılarynda Nissan markasynyń 1329 avtokóligi satylǵan. Bul Qazaqstandaǵy avtokólik naryǵynyń 3,24%-yn quraıdy.